މާޅޮހު ނަސީރެވެ. މި ސިޓީ ލިޔަން ޖެހުނު ސަބަބު އެންމެ ރަނގަޅަށްވެސް އެނގޭނީ ކަލެއަށެވެ. އެއީ ކަލޭ "ހާމަ ނޫހު"ގެ ސެމްޓެމްބަރ 4، 2010 ގެ އަދަދުގައި ލިޔެފައިވާ ގޮތް ކުޑަ މުޝްރިކުންވެސް މިޒަމާނުގައި ނުލިޔާފަދަ ލިޔުމާ ހެދިއެވެ.

ނަސީރުއެވެ. ކަލޭ، އަހުރެމެން ދިވެހިންގެ އަޤީދާއާއި ކުޅޭތާ ޒަމާންތަކެއް ވެއްޖެއެވެ. ކަލޭގެ ހަޑި މުޑުދާރު ލިޔުންތައް މިކަމަށް ހެކިދެއެވެ. ދީނީ އެއްވެސް ކަންފުޅެއް ކަލޭގެ ގަޔަކު ނެތެވެ. އިސްލާމްކަންވެސް ނެތީހެއްޔެވެ؟ އަދި މިހާރު ކަލޭގެ ހިތުގައިވެސް ނެތްކަން މިވަނީ ފަޅާއަރައި ފަޞީހަތްވެފައެވެ. އެހެންކަމުން، ކަލޭ ތިގޮތުގައި އިސްލާމުންގެ އަޤީދާއާއި ކުޅެވޭނެ ކަމަށް ހީ ނުކުރާށެވެ. ކަލެއަކަށް އެފުރުޞަތު މިރާއްޖޭގެ އިސްލާމުން ( އެބަހީ މުޅިދިވެހިރައްޔިތުން) ނުދޭނެއެވެ.

ނަސީރުއެވެ. ހޭ އަރާށެވެ. މި ރާއްޖެއަށް އައި އިސްލާމީ ހެޔޮ ބަދަލަކީ، އެންމެންވެސް އެ ވާހަކަ ދައްކާ، އެކަމަށް އުފާކުރާ ހެޔޮ ބަދަލެކެވެ. މިއަދުގެ ސަރުކާރު ކިތަންމެ ޖާހިލަކަސް ޢިލްމުވެރިން އެމީހުންގެ ޒިންމާ އެދަނީ އަދާކުރަމުންނެވެ. އަދި ކަލޭގެ ކަތީބު ކަމުން ވަކިކުރި މައުމޫނުވެސް ( ސުންނަތޭ ކިޔަން ފަށައިފިއެވެ. ) މިއީ ދިވެހި ތާރީޚްގައިވެސް މައުމޫނުވެސް ދަންނަ ކަމެއް ނޫނެވެ. ކުރީގައި މައުމޫނުވެސް ދަންނަނީ ޝާފިޢީ މަޒުހަބު އެކަންޏެވެ. އެއީ ކުރިއެވެ. އެހެނަސް މައްކާއިން މަދީނާއިން މީހުންތައް ކިޔަވައި އެދުރުވެ މި ރާއްޖޭގައި ދިރިގެން އަންނަ ކީރިތި ރަސޫލާ صلى الله عليه وسلمގެ ސުންނަތްތަކަކީ، ގިނަ ރައްޔިތުންތަކެއް އެ ބަލައިގަތް ސުންނަތްތަކެކެވެ. ޚާއްސަކޮށް ޒުވާން ޖީލު އެކަންތައް ބަލައިގަތީ ހިތާއި ރުހުމުންނެވެ. އެހެންކަމުން، ކަލޭމެން ފަންޑިތަހަދާ މީހުންގެ ކަރުގައި މިކަމުގެ ހިތި ރަހަ ލައިފިކަން މިހާރު މި އޮތީ ނިކަން ފަޅާއަރާފައެވެ. އެނގި ފާޅުވެފައެވެ. ނަމަވެސް، ކީރިތި ރަސޫލާގެ ސުންނަތްތައް މި ދީބުގައި ދަނީ ވައި ރޯޅި ޖެހޭހާ ބާރު މިނުގައި ފެތުރެމުންނެވެ. ކަލޭމެން ދެން އެކަމާ ހިތް ދަތިވެގެން ލިޔަންޏާމު ލިޔާށެވެ. ނަމަވެސް، އަހުރެމެން ދިވެހިމުސްލިމުން ( އެބަހީ ދިވެހިރައްޔިތުން) ދެން ކަލޭމެންނަކަށް، އަހުރެމެންގެ އަޤީދާއާއި މާތް ނަބިއްޔާ صلى الله عليه وسلمގެ ސުންނަތާއި ކުޅެ، އެކަމަށް ހަޖޫ ޖަހައި، ހަޑި މުޑުދާރު އެއްޗެހި ލިޔަން، ފުރުޞަތެއް ނުދޭނަމެވެ. މިކަން ވަރަށް ސީރިއަސްކޮށް ކަލޭ ނަގައްޗެވެ.

މާޅޮހު ނަސީރެވެ. ކަލެއަކީ ދުނިޔޭގެ އޮޔާއި ވައި ބަދަލުވާ ގޮތްވެސް ނޭނގޭ މީހެއްކަން، ކަލޭގެ ލިޔުމުން އެނގެން އެބަ އޮތެވެ. އެހެނީ މާތް ނަބިއްޔާ صلى الله عليه وسلم ގެ ޞައްޙަ ސުންނަތްތަކަށް ތަބަޢަވާ މީހުންނަށް، ތަފާތު ޖެއްސުން ކުރުމާއި، ތަފާތު ލަޤަބުތައް ދެވުނު ޒަމާން ފާއިތުވެ ގޮއްސިއެވެ. މިހާރު ޒަމާންވަނީ ބަދަލުވެފައެވެ. ދިވެހިންނަށް ހެވާ ނުބައި އެނގެއެވެ. ކީރިތި ރަސޫލާ صلى الله عليه وسلمގެ ސުންނަތްތަކަށް، ދިވެހިން މިހާރު އިޙްތިރާމްކުރެއެވެ. އެހެންކަމުން، ކަލޭ އެ މާތް ނަބިއްޔާ صلى الله عليه وسلمގެ ސުންނަތްތަކަށް ޖޯކު ޖެހޭނެކަމަށް ހީނުކުރާށެވެ. އަހުރެމެން މިތިބީ އެނަބިއްޔާއަށްޓަކައި އަހުރެމެންގެ ނަފްސުތައް ޤުރުބާން ކުރަން ތައްޔާރަށެވެ. އެހެންވީމަ، މިއީ އާދައިގެ ކުޑަކުޑަ ކަމެއްގެ ގޮތުގައި ކަލޭ ހީނުކުރާށެވެ.

ނަސީރުއެވެ. ކަލޭ ލިޔެފައިވަނީ މިހެންނެވެ. "ވައްހާބީ ދަންނަބޭކަލުންގެ ޙުއްޖަތަކީ މަސްޖިދުއްނަބަވީއާއި، މައްކާ ޙަރަމްފުޅޭ މިކިޔާ މިސްކިތެވެ." ކަލޭގެ ހުރި ޤަމާރުކަމާއެވެ. ކަލޭ ތިވަނީ މުސްލިމުންގެ ޤިބުލަ، މާތްﷲ ގެ ގެފުޅުގެ ހައިބަތާއި ޤަދަރަށްވެސް އަރައިގެންފައެވެ. ދެން، ކަލޭ މި ދީބުގެ ދަންނަބޭކަލުންގެ އަބުރަށްވެސް ތިވަނީ އަރައިފައެވެ. ވައްހާބީ ކިޔުނު ދުވަސް ހިނގައްޖެއެވެ. އެއީ މިތަނަށް ޣާފިލުކަން ވެރި ވެފައި އޮތް ދުވަސްވަރެކެވެ. ނަމަވެސް، ކަލޭގެ ގައިން އެ ޖާހިލުކަމާއި މުނާފިޤު ކަމުގެ ސިފަ ނުފިލާ ހުރީއެވެ. ރައްޔިތުންގެ ގިނަ ބަޔަކު ޣާފިލުކަމުގެ ނިދިން ހޭ އަރައިފިއެވެ. އަދިވެސް ނިދާފަ ތިބީ ކަލޭ ކަހަލަ ދެތިން މީހުންނެވެ. އެހެންކަމުން، "ވައްހާބީ ދަންނަބޭކަލުން" ނޭ ކިޔުމަކީވެސް ޒަމާނާ ނުގުޅޭ ކަމެކެވެ. ރައްޔިތުންގެ ލޯތްބާއި ޤަދަރާއި އިޙްތިރާމް، އެބޭކަލުން ވަނީ ހޯދާފައެވެ. ކަލޭ އެފަދައިން ލިޔުނީ، ކަލޭގެ ގަލަން އޮޅިގެން ކަމަށްވެސް ވެދާނެއެވެ. ނޫނީ ކަލޭގެ ގަލަމަކީ އަބަދުވެސް އޮޅިފައި އިންނަ ގަލަމަކަށްވެސް ވެދާނެއެވެ. ނަމަވެސް، ޔަޤީންވާ އެއް ކަމެއް އެބަ އޮތެވެ. އެއީ ކަލޭގެ ހިތް، ކަލޭގެ ޚިޔާލު ރަނގަޅު ނޫން ކަމެވެ. ގަލަންވެސް ހިނގާނީ ކަލޭގެ ޚިޔާލު ހިނގާ ގޮތަށެވެ. މަގޭ ގަލަން މި ހިނގަނީ މަގޭ ޚިޔާލުހުރި ގޮތަށެވެ. މިއީ މަގޭ ހަމައެކަނި ޚިޔާލެއް ނޫނެވެ. އެހެންކަމުން، ކަލޭ މިކަމަށް ބިރުވެތިވާށެވެ. ކަލޭގެ ޤަލަން ސީދާކުރަން އަހުރެމެންނަށް އެނގޭނެއެވެ.

ނަސީރުއެވެ. ކަލޭ ނުސީދާކޮށް ނަމަވެސް، ތިވަނީ މާތް ނަބިއްޔާ صلى الله عليه وسلمގެ ވަރުގަދަ ސުންނަތެއްކަމުގައިވާ އިޢުތިކާފަށް، ހަޖޫ ޖަހާފައެވެ. ސީދާކޮށް އެއްޗެކޭ ބުނަން ކަލެއަށް ނުކެރުނީއެވެ. ފިނޑީއެވެ. ނަމަވެސް، އަހުރެމެންނަކީ ޤަމާރުންނެއް ނޫނެވެ. މާތް ނަބިއްޔާ صلى الله عليه وسلمގެ ސުންނަތަށް، ކަލޭ އެއްވެސް ސިފައެއްގައި ޖޯކު ޖަހާ ތަން ބަލަން ދޫކޮށްލައިގެން، އަހުރެމެން ތިބޭނެކަމަށް ހީނުކުރާށެވެ. އަހުރެމެންގެ އަޤީދާ އެކަމަކަށް ފުރުޞަތެއް ނުދެއެވެ. އެހެންވީމަ ހޭ އަރާށެވެ. އަދި ދުނިޔޭގައި ކަން ހިނގަމުންދާ ގޮތް ބަލާށެވެ.

ނަސީރުއެވެ. ނިންމާލަމުން ބުނަމެވެ. ކަލޭ ތިޔަފަދަ ހަޑި މުޑުދާރު ލިޔުންތައް ލިޔުން ހުއްޓާލައި ތައުބާ އިޢުލާން ކުރާށެވެ. ދިވެހި ރައްޔިތުންގެ ކިބައިން މަޢާފަށް އެދޭށެވެ. ދީނުގެ ތަރަހައިގެ ތެރެއަށް ކަލޭގެ ލިޔުންތައް ވައްދާށެވެ. ދެން ކަލޭ، އަހުރެމެންގެ ދީނާއި ދެކޮޅަށް ލިޔާ ދުވަހަކީ، އަހުރެމެން ރައްދުގައި ލިޔާނެ ދުވަހެއް ނޫނެވެ. އެދުވަހަކީ، އަހުރެމެން ކަލޭ ހޯދަން ނުކުންނާނެ ދުވަހެވެ. إنشا ء الله