ރައީސުލް ޖުމްހޫރިއްޔާ މުހައްމަދު ނަސީދު ރިޔާސީ އިންތިހާބްގެ ތެރެއިންވެސް އަދި ރިޔާސީ އިންތިހާބްގެ ފަހުންވެސް އެކި އެކި ޖަލްސާތަކުގައި އަޑު ހަރުކޮށް ބުނަމުން އައި އެއްވާހަކަ އަކީ އަތްފޯރާ އަގުގައި ބޯހިޔާވަހިކަން ގެނެސްދޭނެ ވާހަކަ އެވެ.
ހާއްސަކޮށް ތޮށްޖެހިފައިވާ މާލޭގައި ބޯހިޔާވަހިކަން ނެތިފައި ތިބި ރައްޔިތުންނަށް ބޯހިޔާވަހިކަން ހޯދަދޭނެ ވާހަކައެވެ. ކެމްޕޭން ތެރޭގައި ވެސް އޭގެ ކުރިން ވެސް އެމަނިކްފާން އާ އެމަނިކްފާން ގެ ބައިވެރިން އަމިއްލަފުޅަށް ބައްލަވާ ބޯހިޔާވަހިކަމުގެ ހާލަތު ވަރަށްރަނގަޅަށް ތަޖުރިބާކުރިއެވެ.
އެމްޑީޕީ ގެ މެނިފެސްޓޯގައިވެސް ދިރިއުޅުމުގެ އަގު ތިރިކޮށް އަތްފޯރާފަށަށް ބޯހިޔާވަހިކަން ގެނެސްދޭނެވާހަކަ ބަޔާންކޮށްފައިވެއެވެ.އެމްޑީޕީ މެނިފެސްޓޯގައި
" އަތްފޯރާފަށަށް ބޯހިޔާވަހިކަން "1.އިންސާނުން ދިރިއުޅެން އެކަށީގެންވާފެންވަރުގެ ބޯހިޔާވަހިކަން ދިވެހިކޮންމެ އާއިލާއަކަށް ވެސް ތަނަވަސް ކޮށްދިނުން"
މިވައުދު މިގޮތަށް އޮތްއިރު ހުޅުމާލޭގައި އިމާރާތް ކުރުމުގެ މަސައްކަތް ފަށަން ތައްޔާރުވާ "ކޮރަލް ވިލް" ފްލެޓް ތަކުގެ އަގު މިވަނީ ދުވަހަކު މީހަކު ހިތައް ނާރާހާ މިންވަރަށް މައްޗަށް ގޮށްސައެވެ. މީގެ ކުރީ ގެ ފްލެޓް ތަކައްވުރެ ފްލޯއޭރިޔާބޮޑުވެފަ ފުރިހަމަ އަދި ތަނަވަސް ވާނެކަމަށް ހައުސިން ޑިވެލޮޕްމެންޓް ކޯޕަރޭސަން އިން ވަނީ ބުނެފައެވެ. މިފްލެޓް ތަކަށް އެދިލަށް ވާ ބޭފުޅުން ގެ ސަރުތުތަކަކީ 1.ދިވެހިރައްޔިތަކަށް ވުން. 2. 18 ފުރިފައިވުން.
ދެ ސަރުތެއް ހިމެނިފައިވާއިރު ފާހަގަ ކޮށްލަންޖެހެނީ މި ފްލެޓް ތަށް އަމާޒް ކޮށްފައި މިވަނީ ވަކިބަޔަކަށް ކަމެވެ. އެއީ ދިވެހިރާއްޖޭގައިތިބި މަހުޖަނުން އަދި ވިޔަފާރި ވެރިންގެ އާއިލާތަކަށެވެ. އަދި އޭގެ އިތުރުން ސަރުކާރުގެ އިސްވެރިން ނަށެވެ. މިކަމާދޭތެރޭ ސައްކެއްވެސް ނެތެވެ. އެއީ ސަރުތަކަށް ދިވެހިރައްޔިއްކއމުގައިވުން އަދި 18 އަހަރު ފުރިފައިވުން ޖަހާފައި އޮތުމުންނެވެ. މާލޭ ގައި އަދި އެހެން ރަށެއްގައި ވެސް ބިމެއް ނުވަތަ ގޯއްޗެއް އޮތްމީހަކަށް ނުބަލާކަމެވެ. އާދައިގެ ދިރިއުޅުމެއް އުޅޭ ދިވެހިރައްޔިތަކަށް އެއްފަހަޜާ އެއްލައްކަ ދިވެހި ރުފިޔާ ދެއްކުން އެއީ ވާނެކަމެއް ނޫނެވެ. އެ ރައްޔިތު މީހާ ހުންނަން ޖެހޭ ނީ ކުރިންވެސް ހުރި ގޮތަށެވެ. ދެ ސަރުތު މިގޮތައް އޮތް އިރު ، ހުޅުމާލެތަރައްގީކުރަނީ މާލޭގެ ރައްވެހީން ނަށް ގެދޮރުގެ ދަތިކަން ހައްލުކުރުމުގެ ނަމުގައެވެ.
ކަން ތައް މިހެން ހުރި އިރު ރައީސް ނަސީދު އަބަދުވެސް ވިދާޅު ވަމުން ގެންދަވަނީ އަތްފޯރާ އަގެއްގައި ބިމާއި އިމާރާތުގެ ކުލި ބަހައްޓަވަން މަސައްކަތް ކުރާނެވާހަކަ، މެނިފެސްޓޯގައިވެސް މިހެން ބަޔާން ކޮށްފައި ޥާއިރު ، 9ލައްކަ އަދި މިލިޔަނުން އަގުތައް މިވަނީ މިކަމާމެދު ވިސްނަވާކަމުގެ އަލިގަދަ ހެއްކެއް ކަންނޭގެއެވެ. އަޅުގަނޑު މިހެން ދެންނެވީމަ ހީފުޅުވެދާނެ ތަނުގެ ފެންވަރު ، ކޮރަލް ވިލްގެ ފްލެޓްތަކަކީ ފެން ވަރު ރަނގަޅު ފްލެޓް ތަކެއް ކަންވެސް އަޅުގަނޑު ގަބޫލުކުރަމެވެ. އެހެން ނަމަވެސް މެދުމިނެއްގައި އެބަހައްޓައިފިނަމަ އަގުތައް ވެސް ދައްވުން އެއީ ޔަގީން ކަމެކެވެ. އެމްޑީޕީ އިއްތހާދުގެ މެނިފެސްޓޯގައިވެސް ވާފަދައިން
"ދިރިއުޅުމުގެ އަގުތިރިކުރުން"
2.ބިމާއިއިމާރާތުގެ ކުލި އަތްފޯރާފަށެއްގައި ދެމެހެއްޓުމުގެ ގޮތުން އިމާރާތް ކުރުމަށް ބޭނުންވާ ފައިސާ އެކަށީގެންވާ އަގެއްގައި ލިބޭނޭގޮތްތައް ތަނަވަސް ކޮށްދިނުން.
އަޅުގަނޑުގެ ހިތުގައި އުފެދޭ ސުވާލަކީ މާލޭގައިވާ ތޮއްޖެހިފައިވާ އާބާދީ އަށް ހުޅުމާލޭގައި އިމާރާތް ކުރުމުށް ހަމަޖެހިފައިވާ ކޮރަލް ވިލް ގެ ފްލެޓް ތަކުން އެއްވެސް އަސަރެއް ކުރާނެބާވައެވެ؟
............
ހަގީގަތުގައި ބުނާނަމަ ސަރުކާރަށް ނޭނގި ސަރުކާރުގެ ސިޔާސަތުތަކުގައި ކޮޅުފައިން ޖެހެނީ އެވެ. ރައީސް ނަސީދު މެނިފެސްޓޯ ނުވަތަ ސިޔާސަތު ހަނދުމަފުޅުނެތުނީ އެވެ. މިފެންނަނީ ސަރުކާރު ފެއިލްވާން ފެށިކަމުގެ އަލާމާތެކެވެ. އެހެންނަމަވެސް އަދިވެސް ވަގުތު އެބައޮތެވެ. މިކަހަލަ ކަންތައްތައް ހައްލުކޮށް ބޯހިޔާވަހިކަން ނުލިބި މާޔޫސްވެފައި ތިބި ނިކަމެތި އާދައިގެ ރައްޔިތުންނަށް ހިއްވަރެއް ދޭށެވެ. ނުވަތަ މަނިކްފާން މަގާމް ދޫކުރައްވާފައި ގެއައް ވަޑައިގަންނަވާށެވެ. ދިވެހި ރައްޔިތުން މަނިކްފާން ހޮއްވެވީ މަނިކްފާންގެ ސިޔާސަތު ތަކަށް ބައްލަވައިފައެވެ. އެހެން ނަމަވެސް މިއަދު މިފެންނަނީ އެކަންތައްތައް ފެއިލް ކޮށްލާތަނެވެ.

1- މާލޭގެ ރަށްވެހީންގެ ގެދޮރުގެ ދަތިކަމަށް ކޮރަލްވިލް ގެ ސަބަބުން އެއްވެސް އަސަރެއްކުރާނެ ހެއްޔެވެ؟
ތިބޭފުޅާގެ ޖަވާބު ކޮމެންޓެއްގެ ސިފައިގަ ކިޔުންތެރީން ނަށް ފޯރު ކޮށްދެއްވުން އެދެން....