އިންތިހާބުގެ ދުވަސްވަރު ރަށު އޮފީސްތަކާއި އަތޮޅު އޮފީސްތަކުގައި އިސް ވެރިންގެ ގޮތުގައި ރައީސް އައްޔަން ކުރި ކައުންސިލަރުން ތިބޭތީ އެކަމާ އިދިކޮޅު ޕާޓީން ވަރަށް ބޮޑަށް ފާޑުކިޔައި، އެމީހުން ނުބޭތިއްބޭނެ ކަމަށް ބުނެ، އަދި އަންނަ އާދީއްތަ ދުވަހުން ފެށިގެން ވަޒީފާއަށް ނުކުންނަ ކައުންސިލަރުން ގަދަކަމުން އޮފީހުން ނެރޭނެ ކަމުގެ އިންޒާރު މިހާރު ވަނީ ދީފައެވެ.

އަދި އެމީހުން ބުނަނީ، އޮފީސް ހިންގުނމާ ހަވާލުވާން ވާނީ ސިވިލްސާވިސް އިން ކަނޑައަޅާ ޒިންމާދާރު ވެރިޔާ ކަމަށެވެ.

އެހެންނަމަވެސް ރަށު އޮފީސް ތަކާއި އަތޮޅު އޮފީސްތަކުގައި މިހާރު ތިބި ޒިންމާދާރު ވެރިންނަކީ މުޅިންހެންވެސް ޑީއާރުޕީގެ މެންބަރުން ނަށް ވެފައި އަދި އެމީހުންނަނަކީ ރަށްރަށުގެ ޑީއާރުޕީގެ އިސްވެރިން ކަމަށް ވީއިރު، އެމީހުން މި އިންތިހާބަށް ނުފޫޒު ފޯރުވާފާނެ ކަމަށް އެއްވެސް ޝައްކެއް ހަމަ ނެތީ ހެއްޔެވެ؟

މިއީ ފުންކޮށް ވިސްނާލުން މުހިއްމު ނުކުތާ އެކެވެ. ސަބަބަކީ ޑީއާރުޕީގެ މެޖޯޜިޓީ އޮންނަ މަޖިލީހަކުން ދުރާލާ ރާވައި އިންތިހާބުގެ ގާނޫނު ލިޔެ، މިފަދަ ގޮތަކަށް އިންތިހާބަށް ނުފޫޒު ފޯރުވަން މަސައްކަތް ކުރާނަމަ އެއީ ރައްޔިތުން ވަރަށް ފާރަވެރިވެ ތިބެން ޖެހޭނެ މައްސަލަ އެކެވެ. އެހައި އިންސާފު ވެރިކޮށް އިންތިހާބުގެ ކަންކަން ގެންދަން ޑީއާރުޕީން ރާވާފައި ވާނަމަ، އެއްވެސް ޕާޓީއަކަށް ނިސްބަތް ނުވާ މީހުން އޮފީސްތަކުގެ ވެރިންނަށް ލުމަށް ވަކާލާތު ކުރަން ވީ ނޫޏްހެއްޔެވެ؟