މައުމޫނުގެ ޒަޢާމަތުގައި މީހުން ކުޑަގޮޅިއަށް ލައި، އަނިޔާކޮށް ސިޔާސީ ކުށްވެރިންގެ ގޮތުގައި ޖަލަށް ލާ ހެދިވާހަކަޔާއި މިހާރު ސަރުކާރާ ދެކޮޅު ވާހަކައެއް މީހަކު ދެއްކިޔަސް މިހާރުގެ ސަރުކާރު ދެކެ "ލޯބިވާ" މީހަކު ރީތި ރާގަކަށް ބުނާ ވާހަކައަކީ " ކަލޯއޭ. މިހާރު ތިކަހަލަ ވާހަކައެއް ކަލެޔަށް ތިދެއްކެނީ މިހާރުގެ ސަރުކާރު އޮތީމައޭ، ނޫނީ މިސަރުކާރުގެ ސަބަބަން ނޭ" މިހެންނެވެ. މީ ވަރަށް ހެއްވާ ވާހަކައެކެވެ. ގަބޫލު ކުރަމެވެ. މިހާރު ކޮންމެ ކޮންމެ ވާހަކައެއް ދެއްކިޔަސް ބަޔަކު ޖަލަށް ލާ ތަޅާ މަރައި ނަހަދައެވެ. ސުވާލަކީ އެއީ މިސަރުކާރުގެ ހެޔޮލަފާ ކަމުން ތޯ އެވެ؟ ނޫނެކެވެ. މުޅިން ކުށްހީ އެކެވެ. އެއީ މިސަރުކާރު ބޭނުންވިޔަސް މިހާރު ކުރެވޭނެ ކަމެއް ނޫނެވެ. އެއީ މިހާރު ފާސްކޮށްފައިވާ ގާނޫނު އަސާސީގެ ދަށުން މިސަރުކާރަށް ބޭނުން ކޮންމެ ކުޅިއެއް މައުމޫނުގެ ޒައާމަތުގެ ވަކި ދުވަސްވަރެއްގައި ކުރި އަނިޔާ ކުރުމަށް މިހާރު ތަން ނުދޭނެތީ އެވެ. ބަޔަކުގެ ޕްރެޝަރާ ލައިގެން ނަމަވެސް މައުމޫން އެއޮތީ މިގާނޫނު އަސާސީ އިސްލާހުކޮށްފައެވެ. މެޖޯރިޓީ އޮތީ މައުމޫނުގެ މީހުންނަށެވެ. އެކަމަކު މިހާރުގެ ރައީސް ނަޝީދުގެ ކެބިނެޓްގެ ބައެއް ބޭފުޅުން ވިދާޅުވާ ގޮތަށް މުޒާހިރާކޮށް އަޑުގަދަކުރިޔަސް އެބޭފުޅުން އެކަމެއް ކުރާނީ އެބޭފުޅުންނަށް ފެނުނީމައެވެ. އުމަރު ނަސީރު ކިތައްމެ ވަރަކަށް މުޒާހަރާ ކުރިނަމަވެސް ކަންއޮތްގޮތަކީ އެއީކަމަށް ބުނި އަޑު މި ދެކަންފަތުން އެހީމެވެ. ދެން ތިރީސް އަހަރު ވެރިކަން ކޮށްފައިވާ މީހަކު ޕްރެޝަރާހެދި މިފަދަ ކަމެއް ކުރާނެބާ އޭ ހިތަށް އަރައެވެ. އެބޭފުޅާ ޕްރެޝަރުގެ ސަބަބުން ކަމަކުން ރެކެން ބޭނުންވިނަމަ މިފަހަރުގެ ރިޔާސީ އިންތިޚާބަށް ކުރިމައްޗެއް ނުލާނެއެވެ. ގާއިމުވެސް އެކަމުގެ ސަބަބުން ބަޔަކު ކެބިނެޓް ދޫކޮށް އެތައް މައްސަލަތަކެއް ދިމާވެ ހިތްބަލި އިންސާނަކު މަރުވެގެން ދާވަރަށް އެބޭފުޅާއަށްވެސް ޕްރެޝަރު އައެވެ.

މިސަރުކާރުގެ ހެޔޮފުޅުކަން މިދަނީ ފެންނަމުންނެވެ. ގާޒީންގެ މައްޗަށް ޝަރީއަތް ކުރުމަށް އެދަނީ ތައްޔާރު ވަމުންނެވެ. މިނިވަސް ނޫސްވެރިކަމަށް އެއްވެސް އަހައްމިއްޔަތު ކަމެއް ދޭތަނެއް ނުފެނެއެވެ. ސަރުކާރުގެ މުވައްޒަފުން ވަޒީފާއިން ވަކިކުރަނީ އެވެ. ބާރު ފޯރާނެ ނަމަ ސިވިލް ސާވިސް މިހާރު އޮންނާނީ އެފުށް މިފުށަށް ޖަހައި ސަރުކާރަށް ސަނާ ކިޔާ މީހުންލައި އެތަން ފުރާފައެވެ.
ދަންނަވާލަން ކެރެނީ މައުމޫނު ދައުރުގައި އޮތްފަދަ ގާނޫނު އަސާސީ އެއް އޮތްނަމަ މިސަރުކާރު ،މައުމޫނަށް ވުރެ ޚުދުމުޚުތާރުކަމުން ފުރިގެންވާ އަދި މިއަށްވުރެ މާ އަނިޔާވެރި ސަރުކާރަކަށް ވާނޭކަމަށެވެ. ހިތް ތިރިކޮށްގެން އުޅޭއިރު ތިރި ވެފައި ވާތަން މިފެންނަނީ އެހެން އެއްޗެކެވެ. ހިތްތިރި ތޯ އެވެ؟ ހިތްތިރި ނުކޮށް ކުރަންވި ކަމަކީ މައުމޫން މެރުންތޯ އެވެ؟ އެކަމެއް ނުވާނެއެވެ. އެއީ ތިހެން ބޭނުންގޮތަކަށް ވާނެ ކަންތަކެއް ނޫނެވެ. ޝަރިއަތްކޮށް ސާބިތުވެގެން ނޫނީ ހަމަ ގެންގޮސް މަރައެއްވެސް ނުލެވޭނެއެވެ. މައްސައަކީ އެމްޑީޕީ އެއް ނޫނެވެ. އެމްޑީޕީގެ ސިޔާސަތެވެ.

ފޮޓޯ : ފްލިކަރ - ފިރާޒް