އަޖައިބެކެވެ! ރާއްޖޭގައި މާރާމާރީއާއި ވައްކަން ނެތީހެއްޔެވެ؟ ދުވާލަކު މީހެއްގެ ގައިގައި ކަޓަރު ނާޅާ ހެއްޔެވެ؟ ބައްޕަ އޭނާގެ އުފަން ދަރިފުޅާ ޒިނޭ ނުކުރޭ ހެއްޔެވެ؟ ނޫނީ ލިވާޠުކުރުމުގެ ބޮޑެތި މައްސަލަތައް ނެތީ ބާއެވެ؟ ނުވަތަ ކޮރަޕްޝަނާއި ޚިޔާނާތުގެ މުޞީބާތް ދިވެހިންނަށް ނުޖެހެނީ ބާއެވެ؟ ރައްޔިތުންގެ މަޖިލީހުގެ މެންބަރުންގެ ޢަމަލުތައް ނުފެންނަނީ ކީނޫނެވެ. ނަމަވެސް މައްސަލަ ޖެހެނީ އެންމެ ކަމަކާއި ހުރެއެވެ. އިސްލާމް ދީނާ ހުރެއެވެ. ރާއްޖޭގައި އޮތީ ހަމައެކަނި ދީނީ ހަރުކަށިކަމެވެ.

ޣައިރު ދީންތަކުގެ މީހުން ކުރާނޭ ކޮންމެ ކަމެއް ކުރަންވީއެވެ. ކިޔޭނުކިޔޭ އެއްޗެއް ނޭނގޭ ބަހަކުން ސަމާސާ ކައިވެއްޏެއް ވިޔަސް ހެޔޮއެވެ؟ އެއީ ޙައްޤުތަކެވެ. މިނިވަންކަމެވެ.

މިއަދު މުޅި ދުނިޔޭގައިވެސް ދީނުގައި ހައްދު ފަހަނައަޅައި ދާމީހުންގެ ވާހަކަ ދެއްކުމަކީ ވަރަށް ޢާއްމު ކަމެކެވެ. ނަމަވެސް މި އެންމެންވެސް ހައްދު ފަހަނައަޅާދިއުން ބޭނުން ކުރަނީ އެއްފަޅިންނެވެ. އަނެއްފަޅި ބޭނުމެއް ނުކުރެއެވެ.

ދަންނަވަންތޯއެވެ! ދީނުގައި ދެ ގޮތަށް ހައްދު ފަހަނައަޅާ ދެއެވެ. އެއްގޮތަކީ ދީނަށް އުޅުމުގައެވެ. އަނެއްގޮތަކީ ދީނަށް ނޫޅުމުގައެވެ. މިތަނުން ދީނަށް ނޫޅުމުގައި ހައްދު ފަހަނައަޅާ ދާ ވާހަކަ ދައްކާ އަޑެއްނީވެއެވެ. އަބަދުވެސް އިވެނީ ދީނަށްއުޅުމުގައި ހައްދު ފަހަނަ އަޅާ ދާވާހަކައެވެ.

ދާދި ފަހުން ދިވެހި އަންހެނަކު ދިވެހި މުސްލިމެއްގެ ފޭރާމުގައި ހުރެގެން މިފަދަ ގޮތްކުޑަ ބަސްތަކެއް ދުލުން ބޭރުކޮށް މީޑިއާގައި ޖަހާފައިވެއެވެ. އޭނާއަކީ ސަފީރާއެކެވެ. ފަރަންޖީންގެ ފައިތިލައިގައި ދޫލަމުން އެމީހުން ރުއްސުމަށް މި ގޮތްކުޑަ މީހާ މަސައްކަތް ކުރާއިރު، މުސްލިމް އަންހެނުންނަށް މާތް ﷲ އަމުރުކުރައްވާފައިވާ އައުރަވެސް ނިވައެއްނުކުރެއެވެ. އޮރިޔާމުން މުޅި ދުނިޔޭގެ ހުރިހާ އިންސާނުންގެ ކުރިމަތީ ތިމާގެ އޮރިޔާން ނީލަންކިޔަމުން ދުވާ މި ލަދުކުޑަ އަންހެންމީހާ ބުނިގޮތުގައި ދިވެހިރާއްޖެއަށް މިވަގުތު ކުރިމަތިވެފައިވާ އެންމެބޮޑު ބިރަކީ "އެކްސްޓްރީމިސްޓުން" ގެ މައްސަލައެވެ.
އޭ ލަދުކުޑަ އަންހެނާއެވެ..ވަރަށް ސާބިތުކަމާއެކު ވާހަކައެއް ބުނަންހެއްޔެވެ. މިޤައުމުގައި އެކްސްޓްރީމިސްޓުން ތިބިނަމަ ތިޔަ ބައިގަނޑު މިދުނިޔެއަށް މިހާރު ނޭވާލައެއްނޫޅުނީހެވެ.

މީހަކު އަޅެފަހެ ހައިރާނެއްނުވާނެ ހެއްޔެވެ! ތިމާގެ އޮރިޔާން ނިވާނުކޮށް ޖިންނިއެއްހެން ބޮލުގެ އިސްތަށިގަނޑު ހެދުނީމާ މިމީހާއަށް ހީވަނީ މިއީ ތަހުޒީބު މީހެއްކަމަށެވެ. ބަލަ ތިމާ ހެއްދެވި ފަރާތް އޮޅި، ރޭގަނޑެއް ދުވާލެއް ވަކި ނުވާމީހުންނަކީ ތަހުޒީބު މީހުން ކަމަށްވަންޏާ ތި ތަހުޒީބެއް އަހަރުމެން ބޭނުމެއްނެތެވެ. ދަންނަވަންތޯއެވެ. ތިއަށްވުރެ ނުކުޅެދޭ ބަޔަކު މިދުނިޔެއަކު ނޫޅެއެވެ. ތިވަރުގެ މީހުން އެހެންމީހުން ހައްދުފަހަނައަޅާ ދާ ވާހަކަ ދައްކާއިރު ތިމާގެ ސިކުނޑި އިނީ ބޮލުން ބޭރުގައިތޯ މީ އަޅެފަހެ އުފެދޭ ސުވާލެއްނޫންހެއްޔެވެ. އިސްލާމެއް އީމާނެއް ވަކިނުވާ މުރައްކަބު ޖާހިލުން މިފަދަ ވާހަކަ ދައްކާކަމަށްވަންޏާ ދިވެހި ޕާސްޕޯޓް މިބައިގަނޑުގެ އަތުން އަތުލާ ރާއްޖޭން ބޭރު ކޮށްލަން ވީއެވެ.

އެންމެ ހައިރާން ކުރުވަނިވި ކަމަކީ، ކަނޑުމަސްކައިގެން އުޅޭ ނިކަމެތި ދިވެހި ދެމަފިރިއެއްގެ ދަރިއަކަށް މިދެންނެވި އަންހެނާ ވީހިނދު، އޭނާއަށް އެކަން އޮޅިފައިވާކަމެވެ. އަދި ތިމާގެ ބޮލުގެ ކަޅުކުލަ ދުއްވައިލައި ދޮންމީހުންނާ އެއްގޮތްވުމަށް ކިތައްމެ މަސައްކަތެއް ކުރިޔަސް ދޮންމީހަކަށް ވާނޭ ހެއްޔެވެ؟ ނުވަތަ ޔޫރަޕުގެ ގުއިނުދޮންނަ ފިރިހެނުންނާއެކީ ތިހެން ގިނަ ވަގުތު ހޭދަކުރުމުން ޔޫރަޕު މީހަކަށްވާނޭ ހެއްޔެވެ؟ ނުވާނެއެވެ. ތިޔައީ ހަމަ މައްދިވެއްސެކެވެ.

އަޖައިބެކެވެ! އޫރުމަސް ކައިގެން ލައްޖަހާފައިތިބޭ ހުޅަނގުގެ މީހުންހާ ތަރައްޤީވެފައިވާ ބަޔަކު ނެތްކަމަށް މިދެންނެވި މީހުން ހީކުރެއެވެ. އަދި ތިމާމެންނަށް ކުރިއެރުން ލިބޭނީ އެމީހުން ރުއްސައިގެންކަމުގައި ހީކުރެއެވެ. ބުނަންހެއްޔެވެ. ތިޔައީ ނަޖިހުން ތަތްތެޅިފައިވާ ކާފަރުންނަށް އަޅުކަންކުރަމުންދާ މުނާފިޤު ބައިގަނޑެކެވެ.

އިނގިރޭސިބަސް ކިޔަންއެނގޭކަމަށް ދަޢުވާ ކުރަންޏާ ނިކަން ދުނިޔޭގެ ތާރީޚު ކިޔާލަބަލާށެވެ. ހުޅަނގުގެ ގައުމުތަކުން ގެނެސްދިން މިނިވަންކަން ފެންނާން އޮންނާނެއެވެ. އިސްތިޢުމާރޭ ކިޔާއަޑު އަހަންހެއްޔެވެ. ނޫނީ އެފްރީކާއާއި އޭޝިޔާގެ ގައުމުތަކުގައި ފަރަންޖީން ހަންފަތުރައި، އެތަންތާނގެ މީހުން އަޅުވެތިކުރިކަން ނޭގޭހެއްޔެވެ. ނުވަތަ ތިމާމެންވެސް އެފަދަ އަޅުވެތިކަމަކަށް ގޮއްސިކަން ކަލޭމެންގެ ކަނުކަމާއި ހިއްސުމަދުކަމުން އިހުސާސް ނުވަނީ ހެއްޔެވެ.
އޭ ﷲ މިފަދަ ނުބައިވެގެންވާ މުނާފިޤުންގެ ކިބައިން މިޤައުމު ސަލާމަތްކޮށްދެއްވާށި...

ނޯޓް: މި ލިއުން ރާއްޖެއިސްލާމްގައި ޖަހަންބޭނުންވާތީ ބަހުރުވަ ހަޑިނުކުރީއެވެ.