ނަޒަރަތު: އިލްމީ ސުވާލަށް އިލްމީ ޖަވާބެއް ލިބުނުކަމަށް ގަބޫލެއްނުކުރަމެވެ. ނަމަވެސް ޖަވާބު ދެއްވީތީ ޝުކުރުދަންނަވަމެވެ. ދިވެހި މުސްލިމް އަޙުންގެ ތެރޭގައިވެސް ހަސަން ޒާހިރުފަދަ ހަޖަމް ކުރެވޭ އިލްމީ ގޮތުން ރައްދު ދެވޭތޯ މަސައްކަތް ކުރައްވާ ބޭފުޅުން އުޅޭތީ އުފާކުރަމެވެ.

ހިނި: ހަސަން ޒާހިރުގެ ކޮމެންޓްތައް ތާހިރުވެފައި ފިނި ކަމަށް ގަބޫލުކުރަމެވެ. އެހެންނަމަވެސް އިޚްލާސްތެރިވެފައި ތެދުވެރި ކަމަށް ގަބޫލު ކުރެވޭކަށް ނެތެވެ. އެއް ސަބަބަކީ އޭނާގެ ލިއުމަށް އަހަރުމެން ލިއުނު ކޮމެންޓްތަކުގެ ތެރޭން އެންމެ ކޮމެންޓެއް ވެސް ޖަހާފައެއް ނުވެއެވެ. އެއީ ރަތްލާ ޖެހި ތުނބުޅިތައްވެސް ކަންތައް ކުރާގޮތެވެ. އަހަރެން ދެކޭގޮތުގައި އޭގެ މީހަކަށް ވުރެންވެސް މީނާގެ ޖައްބާރުކަން މިފަހަރު ބޮޑެވެ. އެހެނީ މީމުތާ ފަދަ އަބޫރުމައިސާފަދަ ބަކުރުބެފަދަ ބޭފުޅުންވެސް އަހަރުމެންގެ ކޮމެންޓް ޖަހާފައި އެބަހުށްޓެވެ. ފަހުން ފުހެލި ނަމަވެސް އެ ބޭފުޅުން ޖައްސަވައިފިތާއެވެ. މީނާއަކަށް އެވަރުވެސް ކޮށެއް ނުލެވުނު ނޫންހެއްޔެވެ؟ އިޚްލާސްތެރިކަމެއް ހުންނަނަމަ އޮޅުވާލަން މަސައްކަތެއް ނުކުރީހެވެ. އަހަރުމެންވެސް ބަޔަކަށް އޮޅުވާލައި އީސާއީ ދީން ނުވަތަ އެހެން ދީނެއް ވެސް ފަތުރާކަށް ނޫޅެމެވެ. އަދި މަޖްބޫރެއް ވެސް ނުކުރަމެވެ. އަދި މީން މީހަކު ފޮނުވާ ލިއުމެއް އަހަރުމެންގެ ބާރެއް ހިނގާނަމަ ނުޖަހައެއްވެސް ނުތިބޭނަމެވެ.

ހޯނު: އަޅުގަނޑުމެންގެ ކޮމެންޓްތައް ޝާއިއު ނުކުރެވިފައިވާ ސަބަބު އޮޅުން ފިލައިފިއެވެ. އެހެންކަމުން އެކަމާ ނުރުހިގެން އަޅުގަނޑު ލިއުނު އެއްޗަކަށް މައާފަށް އެދެމެވެ. އެހެނަސް އޮޅުވާލުމަށް ކުރެވޭ މަސައްކަތެއް ފާހަގަ ކުރެވޭނަމަ އަހަރުމެން އެހެން ބުނާނަމެވެ. ތެދުވެރިކަމާއި އިންސާފަކީ މަތިވެރި ކަލާނގެ މަގުގައި ތިބޭ ބަޔެއްގެ ކިބައިން ފެންނަން ޖެހޭނެ ސިފައެކެވެ. މުހަންމަދުގެފާނަކީ އިންސާނެއް ވީމާ ކުށްކުރެވިފައިވާކަމަށް މީހަކު ބުނި އަޑު ހަމަ ގައިމުވެސް އަހަރެން މި އެހީ މި ފަހަރު އެވެ. އަހަރެން އަޑު އަހާ ގޮތުގައި މުހަންމަދުގެފާނު ތުއްޕުޅުއިރު މަލާއިކަތުން ވަޑައިގެން އެކަލޭގެފާނުގެ ހިތްޕުޅު ނަންގަވައި ކޮންމެވެސް ބާ ވަތެއްގެ ފެނަކުން (ބައެއް މީހުން ބުނާ ގޮތުގައި ޒަމްޒަމްފެން، އަނެއް ބަޔަކު ބުނާގޮތުން ސުވަރުގޭން ގެންނެވިފެނަކުން) ދޮންނަވައި ސާފު ކުރައްވައި ޝައިތާނާ ކާރިނުވާނެހެން ހެއްދެވިއެވެ. އޭގެފަހުން މާތްކަލާނގެ ހަޒްރަތަށް ގެންދެވުމުގެ ކުރީގައި ހަމަ މިފަދައިން ދެ މަލާއިކަތުން ވަޑައިގެން އެ ކަލޭގެފާނުގެ މޭފުޅު އިރުއްވައި ހިތްޕުޅު ދޮންނަވައި ރަނުގެ ކޫޒަކުން އީމާންކަމާއި ވިސްނުންފުޅު މޭތެރެއަށް އަޅުވއްވައި އެ ފަޅާލެއްވިތަން ބަންދުކުރައްވައިގެން އެ ދަތުރު ގޮވައިގެން ވަޑައިގެންނެވީ އެވެ. އަދި ދުނިޔެއާ އިރާއި ހަނދާއި ތަރިތަކާއި ގެލެކްސީތަކާއި ކޮމެޓްތަކާއި މީޓިއޮރައިޓްސްތަކާއި ބްލެކްހޯލްތަކާއި މިހެންގޮސް އުޑުމަތިން ގާގަޑެއް ފެންނަން އޮތަސް އެތަކެތި އުފެއްދެވީ މުހަންމަދުގެފާނަށްޓަކައި ކަމަށް ބުނެވެއެވެ. ސުވަރުގެ ވެސް މިހެންގޮސް ލިސްޓް ކިޔާނެ ކަމެއް ނެތެވެ. މިއީ ހަމަ ގައިމުވެސް އަހަރުމެން ކުޑައިރު އަޑު އެހިވާހަކަތަކެވެ. ގިޔާމަތް ދުވަހުން ހިސާބު ނުބައްލަވައިގެން ލަސްވެގެން ހުރިހާ ރަސޫލު ބޭކަލުންގެ ގާތަށް މީހުން އާދޭހާއިގެން ގޮސް އޭން އެކަކަށް ވެސް އެކަން ކުރަން ނުކެރުނީމާ ކުށެއް ނުކުރައްވާ ހަމަ އެކަނި ބޭކަލަކީ މުހަންމަދުގެފާނު ކަމުގައިވެ އެކަލޭގެފާނު ދުއާ ކުރެއްވި ކަމަށްވެސް ހަމަ ޗާޕްކޮށްފައި ދިވެހިބަހުން އޮތް ފޮތަކުން އަޅުގަނޑު ކީމެވެ. މިހެން ކަން އޮތް އިރު ޒާހިރު ތިޔަހެން ބުނުމުން އަހަރުމެންނަށް ވަރަށް ބޮޑު ޝޮކެއް ލިބިއްޖެއެވެ. އިތުރަށް އޮޅުން ފިލުވާހިތްވެސް ވެއެވެ. އެހެންނަމަވެސް އެކަން އޮތީ އެހެން ކަމުގައި ވިޔަސް އަހަރުމެންނަކަށް މަސްއަލައެއް ނެތެވެ. އަހަރެން ބުނަން މިއުޅެނީ ކޮމެންޓް ޖަހަން ނުކެރޭނަމަ ނުކެރެނީ ތިޔަ މީހުންނަށޭ އެވެ. އަނެއް ކޮޅުން ދައްކާ ވާހަކައެއް ދެކެ ބިރުން އުޅޭނީ ކޮންމެވެސް ކަމެއް ފޮރުވަން އުޅޭ ބައެކޭއެވެ. ހަސަން ޒާހިރުގެ ލިއުން ތަކުގައި އަހަރުމެންގެ ކޮމެންޓް ޖަހާނަމަ ތިއީ ތަފާތު ފެންވަރެއްގައި ދީނުގެ ކަންތަކުގައި ހިފަހަށްޓާ މީހެއް ކަމަށް ގަބޫލު ކޮށްފާނަމެވެ. އެހެނަސް އަހަރެންގެ ތަޖްރިބާއަކީ ދަންނަ މީހުންނޭ މި ކިޔާ މީހުންގެ ތެރޭގައި ހިފަހަށްޓާނެ ވަކި މިނެއް ކަނޑައެޅިފައި ނުވާކަމެވެ. އެއްފަހަރު މެދު މިނުގައި ހުރިއްޔާ އަނެއް ފަހަރު ވައްހާބީއަކާހަމަޔަށް ނުވަތަ ޖާނުން ފިދާވާ ހިސާބަށްވެސް ހިގައިދާނެއެވެ. ތިޔަވަރުގައި ހުރެއްޖެ ނަމަ ތިއީވެސް ތާރީފު ކުރާވަރުގެ ކަމެކެވެ.