ދިވެހިރާއްޖޭގެ ޤާނޫނުއަސާސީގައި ކޮޅުފައިން ޖަހާފައި މީހުންދިރިއުޅޭ ރަށްރަށުގައި ބަނގުރާވިއްކުމުގެ ހުއްދަ ދިވެހިސަރުކާރުން ދީފިއެވެ. މުޖުތަމައުގައިހިގާ ފާހިޝް ކަންތައްތައް ހުއްޓުވުމުގައި ބޭނުންކުރާނެ އާތިއަރީއެއް ހޯދުމަށްފަހުގައެވެ. އެއީ އެއްފުރާޅެއްގެ ދަށުން ޚިދުމަތްދިނުމެވެ. އެގޮތުން ރާބޯންބޭނުންވާ އެންމެނަށް އެއްތަނަކުން ލިބެގޮތް ހެދުމަށްޓަކައި ބޮޑުއެއް ހޮޓަލުގައި ބާއެއް ހަދަނިއެވެ. އޭރުން ރާބޯންބެނުންވާ ކޮންމެމީހަކު ދާންޖެހެނީ އެތަނަށެވެ. ރާހޯދަން އެތަންމިތަނަށް ހިގާކަށް ނުޖެހޭނެއެވެ. އަދި ވަގުވިޔަފާރީގައިވާހެން އަގުބޮޑެއްނުވާނެއެވެ. ނިކަމެތި ރައްޔިތުމީހާގެވެސް އަތްފޯރާނެއެވެ. ބޮއެނިމުނީމައި ފުލުހުން އެމީހާ ޗެކުކުރާނީއެވެ. ބޮއެފަހުރިވަރަކާ މަސްތުވި މިންވަރެއް ބަލާނީއެވެ. އަދި އަނގައިގެ ވެސްބަލައި އެމީހަކު ބޮއެފަހުރީ ކޮންބާވަތެއްތޯ ދަނެގަނެވިދާނެއެވެ.

ދިވެހި މުޖުތަމައުގައި އެންމެބޮޑުވެފައި އޮތް އެއްކަމަކީ މަސްތުވާތަކެތީގެ ވަބާއެވެ. އެކަމާއި ގުޅިގެންހިގާ އެތަކެއް ޖަރީމާތައް ކޮންމެދުވަހަކުހެން ދަނީހިންގަމުންނެވެ. ވައްކަމާއިފެރުން، މީހުންމެރުމާއި، ކަޓަރުއެޅުންފަދަ އެތައްކަމެކެވެ. މިކަންތައްތައް ހިގަން މެދުވެރިވާ އެންމެބޮޑު ސަބަބެއްކަމަށް އަޑުއިވެނީ މަސްތުވާތަކެތި ލިބުން ދަތިވުމެވެ. ފައިސާ ނެތިގެންނެވެ. ސަޕްލައި ނެތިގެންވެސް މެއެވެ. އެހެންވީމައި އެއްފުރާޅެއްގެ ދަށަށްގެނެސްގެން މިކަންތައްވެސް ހައްލުކުރެވިދާނެއެވެ. ބިޑަށްލައިގެން އެންމެބޮޑު އަގެއްހުށަހަޅަ ފަރާތަކަށް ދީގެންނެވެ. އެކިއެކިތަންތާގައި ސިއްރުން މަސްތުވާތަކެތި ވިއްކުމުގެ ބަދަލުގައި އެއްތަނަކުން ލިބޭގޮތަ ހަދާނީއެވެ. ބޮޑެތި ލޯގަނޑު ގަނޑުގައި އަލިފާންރޯކޮށްފައި މަސްތުވާތަކެތި އަޅާފައި ބަހައްޓާނީއެވެ. ބެނުންވާ މީހުން އައިސް އެތަނުގައިތިބެ ބޮއެގެންދާނީއެވެ. އޭރުން މަސްތުވާތަކެތީގެ ވަގުވިޔަފާރި ހުއްޓުވިދާނެއެވެ. މައުމޫނުގެ ދައުރުގައި ހަމައެއްލަމައެއްނެތި ކުރަމުންއައި މަސްތުވާތަކެތީގެ ވިޔަފާރި ކޮންޓްރޯލު ކުރެވިދާނެއެވެ. ރަށުތެރޭގައި މަސްތުވާތަކެތި ގެންގުޅޭ މަސްއަލައަށް ހައްލެއްލިބިދާނެއެވެ. ވޭތުވެދިޔަ 30 އަހަރު ކަންހިގަމުންއައި ފަލްސަފާ ބަދަލުވެސް ކޮށްލެވުނީއެވެ. އަގުބޮޑުވެގެން ޚިދުމަތްހޯދަން ދަތިވާފަރާތްތަކަށް ސަބްސިޑީއެއްވެސް ދެވިދާނެއެވެ. ބޭނުންވަނީ މޮޅުގަވާޢިދެއް ކަރުދާހުގައި ލިޔެލާށެވެ.

ދެންއޮތީ މަސަޖުޕާލާތަކާއި ހަށިވިއްކުމުގެ ވިޔަފާރިއެވެ. ހުރިހާ ޕާލާތަކެއް ބަންދުކޮށްފައި ބޮޑުނައިޓް ކްލަބެއް ހުލުވާނީއެވެ. 100 އަންހެން ކުދިން ހަމަވާންޖެހޭނެއެވެ. ހަށިވިއްކަން ނުވަތަ ގަންނަންބޭނުންވާ ކޮންމެމީހަކު ދާނިއެތަނަށެވެ. އެތަންމިތަނުގައި ވަގަށް ހަށިވިއްކުމުގެ ވިޔަފާރި އެއްފަހަރާ ހުއްޓުނީއެވެ. ރަގަޅު ހަރުދަނާ ޤަވާޢިދެއް އޮންނަންވާނެއެވެ. ފުލުހުން ބަލަމުންދާނެއެވެ. ޓްރޭޑް މިނިސްޓްރީން ފާރަވެރިވާނެއެވެ. ޢަދިލް ސަލީމް ސަރުދާރަކަށް ހުންނަވާނެއެވެ. ވަދެނިކުމެވާ އެންމެން ބަލައިފާސްކުރާނީ ފުލުހުންނެވެ. ކުރީސަރުކާރުން ހަމައެއް ލަމައެއްނެތި މަސާޖުޕާލާތަކަށް ދީފައިއޮތް ހުއްދަތައް ބާތިލިކުރާނީއެވެ. ހަމަޖެހޭ ރަގަޅު އުސޫލަކުން ގެންދިއުމަށްޓަކައި ޤަވާޢިދުތައް ހަރުދަނާވާންޖެހޭނެއެވެ. ހުރިހާކޮޓަރިއެއްގައި ސެކިއުރިޓީ ކެމެރާ ހަރުކުރުކޮށްގެން ވަދެނިކުމެވާ އެންމެން ބެލޭނެ ހަރުދަނާ ނިޒާމެއް ގާއިމުކުރަން ޖެހޭނެއެވެ. ޤަވާޢިދާއި ޚިލާފުވެއްޖިއްޔާ ކްލަބު ބަންދުކުރާނީއެވެ.