މާލޭގައި ދިރާގުން ޤާއިމް ކޮށްފައިވާ ވައިފައި ޒޯންތަކުގެ ސްޕީޑް އަވަސް ވާހަކަ އަކީ ގިނަ ބަޔަކު ދައްކަމުންދާ ވާހަކައެކެވެ. ދިރާގުގެ ފަރާތުންވަނީ ރާއްޖެތެރޭގެ ރަށްތަކުގައި ވެސް ވައިފައި ޒޯންތަކެއް ހައްދަވާ އިންޓަނެޓްގެ ހިދުމަތް ލިބޭނެ ގޮތެއް ހައްދަވައި ދެއްވާފައެވެ. މާލޭގައި ވެސް ނަގަނީ އެއްއަގެކެވެ. މިސާލަކަށް ބުނަނީ ނަމަ، ބައިގަޑިއިރުގެ ކާޑެއްގެ އަގަކީ 10ރ އެވެ. ދެގަޑިއިރުނަމަ 30ރ އެވެ. މައްސަލައަކީ އެހެން ކަމެކެވެ. ހިދުމަތުގެ ފެންވަރު ތަފާތުވުމެވެ.

މާލޭގައި އާންމު ގޮތެއްގައި ދިރާގުގެ ވައިފައި ޒޯނެއްގެ ޑައުންލޯޑް ސްޕީޑް 220Kb/s އާއި 250Kb/s އާއި ދެމެދަށް އަރާނެއެވެ. ނަމަވެސް ރާއްޖެތެރޭގެ ރަށްރަށަށް ދޫކޮށްފައި ހުންނަ ވައިފައި ޒޯންތަކުގެ ސްޕީޑް އާންމު ގޮތެއްގައި އުޅޭނީ 27Kb/s ގައެވެ. ވުމާއި އެކު މާލޭގެ ވައިފައި ޒޯންތަކުގެ ސްޕީޑް ރާއްޖެތެރޭގެ ރަށްރަށާއި އަޅާ ކިޔާއިރު ނުވަ ގުނަ އަވަހެވެ. މިހެން ވާންޖެހޭ ސަބަބެއް އަޅުގަނޑަކަށް ހަމަ އެއްގޮތަކަށް ވެސް ނުވިސްނުނެވެ. އެއީ ރާއްޖެތެރޭގެ މީހުންވެސް ވައިފައި ކާޑް ގަންނަނީ ހަމަ އެއްއަގެއްގައެވެ. ނަމަވެސް ހިދުމަތް ދިނުމުގައި މިހާބޮޑު ފަރަގެއް އައުމަކީ މައްސަލައެވެ.

މިއީ އަނެއްކާ ރާއްޖެތެރޭގައި ވައިފައި ބޭނުންކުރާ މީހުންނަކީ ކަމުގެ މާބޮޑު މަޢުލޫމާތެއް ލިބިފައިނުވާ ބަޔަކަށްވާތީ ދިރާގުން ކުރާ ކަމެއް ބާއެވެ؟ މިނޫން އެހެން އެއްވެސް ސަބަބެއް އަޅުގަނޑަކަށް ނުވިސްނުނެވެ. ދިރާގަކީ ފެށުނީއްސުރެން ދިވެހިންނަށް ދުއްތުރާ ކުރުމާއި އުނދަގޫކުރުމުގައި އެއްވަނައެވެ.