ދުނިޔޭގެ ނޫސްވެރިންވަނީ ވަރަށް ނުރައްކަލާއި އަދި އަނިޔާ އާއި ކުރިމަތިލާފައެވެ. މީގެތެރެއިން އަބުރުގެ ދަޢުވާއަކީ އަދި ނޫސްވެރިކަމަށް އަލަށް ކުރިމަތިވާ ފިއްތުމެއް ނުވަތަ އަނިޔާއެއް ނޫނެވެ. މަޝްހޫރު ނޫސްވެރިޔާ ރަހީމުއްލާ ޔޫސުފް ޒާއީ އަފްޤާނުން ވަނީ ކުރިއަރާފައިވާ އެމެރިކާއިން ވަރަށް އިހާނެތިކޮށް ޖަލަށްލާ ހައްޔަރުގައި އެތައްދުވަހަކު ބަހައްޓާފައެވެ. އެމެރިކާފަދަ ނޫސްވެރިކަމާއި މިނިވަން ޚިޔާލަށް ލޯބިކުރަމޭ ބުނާ ބައެއްގެ ޢަމަލު މިފަދަ ގޮތަކަށް ވުމަކީވެސް އަޖައިބެއްނޫނެވެ. އިރާނު ރައްޔިތެއްގެ ދަރިއެއްކަމުގައިވާ ރޮޒާނާ ސަބޭރީ ( އެމެރިކާގެ ރައްޔިތެއްކަމުގައި ވެފައިވާ - ކުރީގެ ބީބީސީ ރިޕޯޓަރެއް) ވަނީ މިއަހަރުގެ މާޗް މަހުގެ ތެރޭގައި އިރާނުގެ ސަރުކާރުން ހިފާ ހައްޔަރު ކޮށްފައެވެ. ކޮންމެ ދުވަހެއްގައިމެ އަހަރެމެން ނޫސްވެރިނަންށް ފެނިގެންދާނީ މިގޮތަށް އެތައްނޫސްވެރިންނެއް ހިފާ ހައްޔަރު ކުރެވޭ ވާހަކަ އާއި ބޮޑެތި ހުކުންތައް ކުރުމަށް ގިނަ ކޯޓުތަކެއް ސަމާލުކަމަށް އައިސްވާ ވާހަކަތަކެވެ.

ނޫސްވެރިކަން ކުރުމުގައި ގެންގުޅޭ އުސޫލުތަކުގެ އިމުން “އަބުރަކީ” ކޮބައިތޯ ބެލުން ވަރަށް މުހިއްމެވެ. އެއްވެސް ދަލީލެއްނެތި ނޫސްވެރިކަމުގެ ތެރޭގައި ޙިޔާލު ފާޅުކުރުމަކީ ބައެއް ޤައުމުތަކުގައި ނޫސްވެރިކަން ކަމުގައި ބެލެވެން ނެތްކަންތައްތަކެވެ.

މިސާލަކަށް މީހެއްގެ މައްޗަށް “އެއްޖިންސުން ގުޅުން ހިނގުމުގެ ތުހުމަތު ” ނޫސްވެރިއަކަށް ވަރަށް ފަސޭހައިން އޭނާ މިބުނާ “އަބުރުގެ” ރޮނގުގެ ބިއްދޮށުން ކުރެވިދާނެއެވެ. މިކަން ކުރުމަށް ނޫސްވެރިން މިއަދު ގެންގުޅޭ އުކުޅަކީ ކިއުންތެރިންގެ ހިޔާލު ހޯދުމުގެ “ޕޮލް” އެއް ބޭއްވުމެވެ. ކިއުންތެރިން އެގޮތަށް ނިންމައިފި ނަމަ ނޫސްވެރިޔާ އެއަށް ހަވާލާދީ އެވާހަކަ ދައްކައެވެ. މިކަމުން ނުކުމެދާނެ ނޭދެވޭ އަސަރާއި މިކަން ސާބިތު ކޮށްދިނުމުގެ ޤާބިލުކަން ނޫސްވެރިޔާގެ ކިބައިގާ ހުންނަންވާނެއެވެ.

ނޫސްވެރިން އަބުރާ ބެހުމަކީ މިލިއަނުން ދައުވާ ކޮށް އެކަން ތަންފީޒު ކުރާ ގޮތަކަށްވުރެ ގިނަ ޤައުމު ތަކުގައި ބެލެވެނީ އެ ނޫސްވެރިއެއް އޭނާގެ ޕްރޮފެޝަން ދޫކޮށް އިޖިތިމާޢީ މަސައްކަތަށް ނުކުންނަން ޖެހޭފަދަ ދަށުދަރަޖައިގެ ކަމެއް ކަމުގައެވެ.

ލިޔުނީ : ޔޫސުފް