ދިވެހިރާއްޖޭގެ މުވާސަލާތީ ހިދުމަތްދޭތާ އެންމެ ގިނަދުވަސްވީ ކުންފުނި، ދިރާގުން 3ޖީ ޕްލަސް ތައާރަފްކޮށްފިއެވެ. މިއަދު ދިރާގުން ނެރުނު ނޫސްބަޔާނުގައިވާގޮތުން މާލެ، ހުޅުމާލެ، އެއާޕޯރޓް، ކުރުނބާ، ބަނޑޮސް، ޕެރެޑައިސް އަދި އައްޑު އަތޮޅު ހިތަދޫއަށް މިހިދުމަތް ލިބޭނެއެވެ.

ދިރާގުން ހާމަކުރާގޮތުގައި މިއީ ދިވެހިރާއްޖޭގައިވާ އެންމެ ހަލުވި 3ޖީ ޕްލަސް ނެޓުވޯކެވެ. އަދި 2.6އެމްބީޕީއެސް އަށް ޑޮއުންލޯޑުކުރެވޭނެއެވެ.

މީގެ އިތުރުން ދިރާގުން ވަނީ މޯބައިލް އިންޓަނެޓް ޕެކޭޖެއްވެސް ތައާރަފްކޮށްފައެވެ. މިގޮތުން ޕެކޭޖް ބޭނުންކުރާފަރާތްތަކަށް % 35 ސަލާމަތްކުރެވޭނެއެވެ.

ދިރާގުން ހާމަކުރާގޮތުގައި 3ޖީ ޕްލަސް ބޭނުންކޮށްގެން ކުރެވޭ ވީޑިއޯ ކޯލްގެ އަގު އާދައިގެ ވޮއިސް ކޯލަކާ އެއްވަރެވެ. ދިރާގުން ދަނީ މިހިދުމަތް މުޅިރާއްޖެއަށް ފުޅާކުރުމުގެ މަސައްކަތް ކުރަމުންނެވެ.

ނޫސްބަޔާން: http://dhiraagu.com.mv/media_centre/press_releases.php?id=849