ގިނަ ބަޔަކު އުއްމީދުކުރި ވޯލްޑްވައިޑް ޑެވެލޮޕަރ ކޮންފަރެންސް ގައި ދާދި ދެންމެ އަކު އެޕަލްގެ ތިންވަނަ ޖީލް އައިފޯން ތްރީޖީ.އެސް އާއްމު ކޮށްފިއެވެ. މި އައު ފޯނުގައި އައިފޯން ގެ ކުރީގެ އަދަދުތަކުން ނުލިބުނު އެކަމަކު ޔޫޒަރސް ބޭނުންވި އެތައް ފީޗަރ ތަކެއް ހިމެނިފައިވެއެވެ.

އެންމެ މުހިންމު އަދި ފާހަގަ ކޮށްލެވޭ ބަދަލަކީ ކުރީގެ އަދަދުތަކަށްވުރެއް މި އަދަދުގެ އައިފޯންގެ ދުވެލި ހަލުވި ކަމެވެ. ނަމުގެ ފަހަތަށް އެސް އިތުރު ކުރެވިފައި ވަނީވެސް ދުވެލި ރަމްޒުކޮށްދިނުމަށްކަމުގައި ދެކެވެއެވެ. ރެމް ގެ ސައިޒް ދެގުނަ ބޮޑުވެފައި ވުމާއި އެކު ޕްރޮސެސަރ ވެސް ހަލުވި ކުރެވިފައިވާކަން ފާހަގަކުރެވެއެވެ. އެޕަލް އިން ހާމަކުރާގޮތުގައި ގިނަ އައިފޯން އެޕްލިކޭޝަންތަށް މިހާރަށްވުރެއް ދެގުނަ ދުވެލިހި ހަލުވިވެގެން ދާނެ ކަން ކަށަވަރެވެ.

ބޭނުންކުރާ ގިނަ ބަޔަކު އިންތިޒާރުކުރި އެތައް ފީޗަރަސް ތަކެއްވެސް މިއަދަދުގައި އިސްލާހު ކުރެވިފައި ވެއެވެ. މިގޮތުން 3 މެގަ ޕިކްސެލްގެ ކެމެރާއެއް އޮޓޯ ފޯކަސް ފަންކްޝަން އާއި އެކު ހިމެނިފައި ވެއެވެ. އަދި އެޕަލް އިން ގަސްތުގައި 3ޖީ އައިފޯން ގައި ނުހިމަނާ ދޫކޮށްލި ވީޑިއޯ ކްލިޕް ޝޫޓް ކުރުމުގެ އިޙްތިޔާރުވެސް މި އަދަދުގައި ހިމަނާފައިވެއެވެ.

ވޮއިސް ކޮންޓްރޯލް ފީޗަރ އަކީ މި ލިޔުމުގައި ހާމަނުކޮށް ދޫކޮއްލެވޭ ވަރަށްވުރައް ފުރިހަމައަށް އެޕަލް އިން ފައްކާކޮށްފައިވާ ފީޗާއެކެވެ. މިހާރު ފޯން އައި ހަމަ ވާހަކަ ދައްކާލާގެން ފޯން ކުރުމާއި ލަވަ ޕްލޭބެލް ކުރުމުގެ ގާބިލްކަން ލިއްބައިދީފައިވެއެވެ. މިވަރުން އަދި ނިމުނީކީ އެއް ނޫނެވެ. "މެޒޯގެ ލަވައެއް ކުޅެލަދީ" މިގޮތަށް އަމުރު ކުރުމުން މެޒޯ ބޭންޑް ގެ ލަވައެއް ކުޅެލަދޭނެ އެވެ. ނުވަތަ "މިހާރު ކުޅެވެމުން ދަނީ ކޮންލަވައެއް" މިގޮތަށް ސުވާލުކޮށްލުމުން ކުޅެމުންދާ ލަވައިގެ ނަން ފޯން އިން ކިޔައިދޭނެއެވެ. އަދި މިހާރު ކުޅެވޭ ފަދަ ލަވަތަކެއް އިތުރަށް ކުރިއަށް ގެންދިއުމަށް ބޭނުންނަމަ "މިފަދަ ލަވަތައް ކުޅެމުން ގެންދޭ" މިގޮތަށް އިޝާރާތް ކޮށްލުމުން ފޯން ގެ އައިޓިއުންސް ޖީނިއަސް ފަންކްޝަން އެކްޓިވޭޓް ކުރެވޭނެއެވެ.

ދެން އިންތިޒާރު ކުރެވެމުންދާނީ މިއަދަދު ބާޒާރަށް ނުކުންނާނެ ދުވަހަކަށެވެ. ޖޫން 19 ވަނަ ދުވަހު އެމެރިކާގެ ބާޒާރަށް 8ޖީބީ 199ޑޮލަރަށް އަދި 16 ޖީބީ 299ޑޮލަރަށް ލިބެން ހުންނާނެ ކަމަށް އެޕަލް އިން ހާމަކުރެއެވެ. ނަމަވެސް އަހަރަމެންގެ އަތް ފޯރާ ހިސާބަށް (80 އެހެން ގައުމަކުން ) ފޯން ލިބެން ހުންނާނީ އޮގަސްޓް މަހުގައި ކަމަށް ވެއެވެ.



އައިފޯން 3ޖީ އެސް ގެ ތަފްސީލް ސްޕެސިފިކޭޝަން ބެއްލެވުމަށާއި ކޮމްޕެއަރ ކުރުމަށް މި ލިންކް ޗެކް ކުރައްވާ