ލިނަސްކްގެ ކާނަލް ބޭނުންކުރާ އޮޕަރޭޓިން ސިސްޓަމްތަކުގެ ތެރެއިން އެންމެ މަޤުބޫލް އޮޕަރޭޓިން ސިސްޓަމް ކަމުގައިވާ އުބުންޓު ގެ އެންމެ ފަހުގެ އުފެއްދުން މިޔަދު ވުޖޫދަށް ނެރެފިއެވެ. އުބުންޓު 9.10( ކާމިކް ކޯލާ) އަކީ 2004 ވަނަ އަހަރުގެ އޮކްޓޯބަރު މަހު އުބުންޓު ނެރެންފެށިފަހުން ނެރުނު 10 ވަނަ އުފެއްދުމެވެ.

ކާމިކް ކޯލާ 9.10 ކުރީގެ ވާޝަން 9.04 އަޅާބަލާއިރު ފާހަގަ ކޮށްލެވޭ ވަރަށް ގިނަ ބަދަލު ތަކެއް ވަނީ ގެނެސްފައެވެ. މީގެތެރޭގައި އުބުންޓޫގެ ގްރެފިކްސް ވަނީ ވަރަށް ބޮޑަށް ބަދަލު ކޮށްފައެވެ. އަދި މީގެ ސަބަބުން އުބުންޓް ބަލާލަން ވަރަށް ރީއްޗެކެވެ. އަދި މީގެ އިތުރުން ފައިލް މެނޭޖާ ވެސް ވަނީ ވަރަށް ބޮޑަށް ބަދަލު ކޮށްފައެވެ. މީގެ ސަބަބުން ކުރިޔަށް ވުރެން އުބުންޓޫގެ ފައިލް މެނޭޖާ ޔޫސާ ފްރެންޑީކަމަށް ފާހަގަ ކުރެވެއެވެ.

އިންޓެލް ކޯޓޫ ޑުއޯގެ 2.0ގިގަ ހާޓްސް އަދި 2.0ޖީބީ ގެ ރެމް އެއް އެކުލެވިގެންވާ ސިސްޓަމެއްގައި އުބުންޓުގެ އެންމެ ފަހުގެ އުފެއްދުން 20 ސިކުންތުން ބޫޓްކޮށްލައެވެ. މިއީ ކުރީގެ ވާޝަން އާއި އަޅާކިޔާލާއިރު ވަރަށް ހަލުވި ސްޕީޑެކެވެ.

އުބުންޓޫގެ މިވާޝަންގައި ހިމެނޭ މުހިންމު ކަންތައްތައް

ކުރިޔަށްވުރެން ހަލުވި ސްޕީޑެއްގައި ބޫޓްވުން
މުޅިން އާ އައިކޮން ތަކާއި ގްރެޕިކްސް
ހޯމް ފޯލްޑާ އެންކްރިޕްޓް ކުރުން
މުޅިންއާ ޑެކްސްކޮޕް ތީމް އަދި ވޯލް ޕޭޕާ މުޅިއަކު 20
އުބުންޓުވަން( އުބުންޓޫވަން އަކީ މުޅިންހިލޭ ލިބޭ ކްލައުޑް ކޮންޕިޔުޓިންގެ ސާވިސްއެކެވެ. އުބުންޓުވަންގައި ރަޖިސްޓްރީ ވުމުން ކޮންމެ މީހަކަށް 2.0 ޖީބީގެ ހިލޭ ސްޓޯރޭޖެއް ލިބެއެވެ. އަދި އުބުންޓޫގެ ފަހުގެ ވާޝަންގެ އެހީގައި ފައިލްތަކާއި އެހެނިހެން މުހިންމު ޑޮއިޔުމެންތައް އުބުންޓޫވަން އާއި އެކު ފަސޭހަ ކަމާއި އެކު ސިންކޮރަނައިސް ކުރެވެއެވެ.)
އުބުންޓޫ ސޮޕްޓްވެއަރ ސެންޓަރ - އުބުންޓޫގެ މިވާޝަން ގައި މުޅިން އަލަށް ހިމަނާފައިވާ ސޮޕްޓްވެއަރ ސެންޓައިން ކުރިޔަށް ވުރެ ފަސޭހަ ކަމާއި އެކު ބޭނުންވާ ސޮޕްޓްވެއަރ އެޅޭނެއެވެ.

އުބުންޓޫ 9.10 ގައި ހިމެނޭ މުހިންމު ސޮފްވެއަރ ތައް

އެފް ސުޕޮޓް - ފޮޓޯ މެނޭޖް ކުރުމަށް ބޭނުންކުރާ ސޮޕްވެއަރ( ޕިކާޝާ ވެބްއަލްބަމް އަދި ފްލިކްއާރު ފަދަ ސައިޓް ތަކަށް ފަސޭހަ ކަމާއި އެކު ފޮޓޯ އަޕްލޯޑް ކޮށްލެވޭނެ)
ޖިމްޕް - ޖިމްޕް އަކީ އެޑޯބީ ޕޮޓޯ ސޮޕް ކަހަލަ ފޮޓޯ އެޑިކް ކުރުމަށް ހާއްސަ ސޮފްވެއަރ އެކެވެ.
ފައިޔާފޮސްކް - ފަޔާފޮކްސް އަކީ މިހާރު ދުނިޔޭގައި ދެވަނައަށް އެންމެ ގިނަ މީހުން ބޭނުން ކުރާ ވެބްބުރައުޝާ އެވެ.
އޯޕަންއޮފީސް - އޯޕަންއޮފީސް އަކީ މައިކްރޯސޮޕް އޮފީސްފަދަ އުފެއްދުމެކެވެ. އޯޕަން އޮފީސްގައި މައިކްރޯސޮޕް އޮފީސްގައި ހިމެނިގެންވާ ކަހަލަ އެތައް ބައިވަރު ސޮޕްޓްވެއަރ ތަކެއް ހިމެނެއެވެ.
ރިދަމް ބޮކްސް - މިއީ ލަވަ ޖެހުމައްޓަކާ ބޭނުން ކުރެވޭ ސޮޕްވެއަރ އެކެވެ.

އަދި މިނޫން ބައިވަރު ސޮޕްޓްވެއަރ ތަކެއް އުބުންޓޫ ސޮފްޓްވެއަރ ސެންޓަރގެ އެހީގައި ލިބެންހުންނާނެއެވެ.


އުބުންޓޫއަކަށް ވަރަށް ހަލުވި ސްޕީޑެއްގައި ކުރިއަރަމުން އަދި ދުނިޔެއަށް މައްޝޫރުވަމުން އަންނަ އޮޕަރޭޓިން ސިސްޓަމްއެކެވެ. އުބުންޓޫގައި މުޅިން ހިލޭ ސޮފްޓްވެއަރގެ މައްޗައް ބިނާ ކޮށްފައިވާ އުފެއްދުމެކެވެ.

އުބުންޓޫ ޑައުންލޯޑް ކުރެއްވުމަށް www.ubuntu.com އަށް ޒިޔާރާތް ކޮށްލައްވާ!!!
www.shipit.ubuntu.com އިން މުޅިން ހިލޭ އުބުންޓޫގެ ސީޑި ގެއާއި ހިސާބަށް ފޮނުވައިދޭނެ!!!!