ޝައިހް އަބްދުއްރަހުމާނަކީ އަލްއާލިމް ޝައިހުލް ހާއްޖަ އަބްދުއްރަހުމާނު އިބުނު އަލީ އަލް އަޒްހަރީއެވެ. މަޝްހޫރު ނަމުންނަމަ ހާޖީ އަބްދުއްރަހުމާނެވެ.ޝައިހް އަބްދުއްރަހުމާނަކީ ރާއްޖެ ދުށް އެންމެ މަތީ ދަރަޖައިގެ އިލްމުވެރިއެކެވެ. ތަގްވާވެރި، ދީންވެރިއެކެވެ. ޝައިހްއަކީ ގުރުއާން ހިއްޕުޅުން ދަސް، ތައުހީދު އިލްމާއި ފިގުހު އިލްމަށް އަރާހުންނެވި ބޭކަލެކެވެ. އަތުލިޔުން ރީތި ކެލިގްރާފަރެކެވެ.

ޝައިހްގެ މުޅި އުމުރު ހޭދަކުރެއްވީ ދީން ހިމާޔަށްކުރުމުގައެވެ. ޝައިހަށްވަނީ ރާއްޖޭގެ އުއްތަމަ ފަނޑިއާރުކަން 2 ފަހަރަށް ހުށައެޅިފައެވެ. ނަމަވެސް އަމިއްލަ ސަބަބަކަށްޓަކައި ގަބޫލު ނުކުރެއްވިއެވެ. ސަރުކާރުން ޝޭހަށް ވަރަށް ގަދަރުކަށްވައެވެ. އަވަހާރަވަންދެން ހާއްސަ އިނާޔަތެއް ހަމަޖައްސައިފައި އޮތެވެ.

ޝޭހުގެ އުމުރުގެ ފަހުކޮޅު ހޭދަކުރަށްވައިފައި ވަނީ މާލޭގެ 5ވަނަ އަވަށް ކަމަށްވާ ވިލިނގިލީގައެވެ. ޝޭހުގެ ޒިކުރާ އާ ކުރުމުގެ ގޮތުން ވިލިނގިލައިވާ، ޕްރީ ސްކޫލަށާއި، ބޮޑު މަގަކަށް ނަން ދީފައިވަނީ ޝޭހްގެ ނަމުންނެވެ.