ގަދަ 30 އަހަރު ނިމިދިޔައީ ފުނޑައިނުލެވޭނެ ފަދަ ނެޓްވޯކެއް މުޅި ދިވެހި ދީބުގައި އަޅައި ދީފައެވެ. ގަދަފަދަ ފަހުލަވާނުން ތަކެއް މަކަރާއި އިޔަހޫދިން ތަމްރީންކޮށް މިބިންމަތީގައި ރުކުރުވާލާފައެވެ. ގަދަފަދަ ދަގަނޑު ދަބަރަށް ވެދާއިރުވެސް މި ފަހުލަވާނުންގެ ހިތްވަރަކަށް ކުޑަވެސް ބަދަލެއް އަދި ލޮޅުމެއްވެސް އަރުވައި ނުލެވޭނެކަމަށް ހާހޫރު ތަކުރު ދުލަށް ބާރު ލާފައި އެހަރަގެންދަނީ ގޮވަމުންނެވެ.

ވާގޮތް ބަލަން ތިބެމާ ބަހީއެވެ. ތުނޑު ހަސަނާ ޖެހުނު މީދަލޭ މިކިޔަނީ މިވެރިން ބާކީ ކޮށްލީމާވެސް އަޅައިގަނެގެން ނެއްޓިގަންނަން ނޭނގިގެން ވަލު ކަނބިއްޔެއް އެނބުރޭ ހެން ފައިދަށުގައި ބުމަރެއް ހެން އެނބުރިލަ އެނބުރިލަ ހުންނައިރު ނުފެންނަ އަނެއް ދިވެހި ރާއްޖެއޭ މީ ހަމަ ހިތަށް ނާރަނީ ބާވައެވެ؟

ހިތްވަރުގަދަ އަޒުމް ނުގުޑާ މިފަހުލަވާނުންގެ މަސައްކަތައް އައްސަރިބަހާއި ސާބަސް ދުލުގެ ހިމަކޮޅުން ރަށްދު މިކުރަނީ ނުހަނު އިހްލާސްތެރިކާމާއި އެކުއެވެ. އަޅުގަނޑުމެން ގޮވައިގެން އަމާން ބަނދަރަކަށް ދެވޭތޯ ވާރެޔާއި އަވީގައި ރެޔެއް ދުވާލެއް ނުބަލައި ޅަ މާލިމީ ތަޖުރިބާ މަދު ކެބިނެޓް ގޮވައިގެން ވެރިކަން ކިޔަންވެސް ނުދަންނަ ކައުންސިލަރުން ލައިގެން ތިކުރާ ހިތްވަރަށް ހަމަ ސާބަހެވެ. ރާއްޖެ ރާއްޖެއަކަށް ހަދައި ކެބިނެޓް ކެބިނެޓަކަށް ހަދައި ކައުންސިލަރުން ދުނިޔެ ދަސްކޮށްދީ ރަށްޔިތުންނަށް ކޮށްދެއްވަމުން ތި ގެންދަވާ އަގުހުރި މަސައްކަތްތަކަށްވެސް ހަމަ އައްސަރިބަހާއި ސާބަހެވެ.

އަޅުގަނޑުގެ ދުއާއަކީ ރީނދޫ ރަނގާލިތަކަށް ފާގަތި ތިޔާގި ދުވަސްތަކެއް މާތްﷲ މިންވަރު ކުރެއްވުމެވެ. އަދި މުޅި ރާއްޖެއަށް ބާއްޖަވެރި ދުވަސްތަކެއް މިންވަރު ކުރެއްވުމެވެ.