މުސްލިމް ދަރިންވަރުންނަށް އެއްވެސް ގްރޭޑެއްގައި އިސްލާމް ކިޔެވުމަކީ އިޚުތިޔާރީ މާއްދާއެއްގެ ގޮތުގައި ދޫކޮށްލައިގެން ނުވާނެކަމަށް ޑރ. ޒާކިރު ޢަބްދުލްކަރީމް ނައިކު ވިދާޅުވެއްޖެއެވެ.

ރޭ އާއްމުކޮށް ހުޅުވާލައިގެން ދެއްވި ދީނީ ދަރުސަށްފަހު ޢާއްމުންގެ ސްވާލުތަކަށް ފުރުޞަތު ހުޅުވައިލުމުން އިސްލާމް މާއްދާ ކިޔެވުން ވަކި ގްރޭޑަކާއި ހަމައިން ހުއްޓާލުމާއިމެދު ސުވާލުކުރީ އަމީނިއްޔާ ސްކޫލްގެ ގްރޭޑް 8 ގައި ކިޔަވަމުންދާ ދަރިވަރެކެވެ. އެއަށްފަހުވެސް ހަމައެކަމުގައި ސުވާލުކުރެވުނެވެ.

ޑރ. ޒާކިރު ނައިކު ވިދާޅުވީ މުސްލިމުންނަށް ދީނީ ޢިލްމު އުނގެނުމަކީ ކައްވަޅަށް ދާންދެން ކުރަންޖެހޭ ކަމެއްކަމަށެވެ. އަދި މުސްލިމް ދަރިވަރުންނަށް ހުރިހާ ގްރޭޑްތަކެއްގައިވެސް އިސްލާމް ކިޔަވައިދިނުމަކީ ކޮންމެހެން ކުރަންޖެހޭނެކަމެއް ކަމަށެވެ.

އަދި ޑރ. ޒާކިރު އިސްވެހުންނަވައިގެން ހިންގަވަމުންގެންދަވާ އިސްލާމިކް އިންޓަރނޭޝަނަލް ސްކޫލްގައި ކޮންމެ 10 ޕީރިއަޑަކުން 6 ޕީރިއަޑް ޚާއްޞަ ކުރަނީ އިސްލާމް ދީނާއި ގުޅުންހުރި މާއްދާތައް ކިޔަވައިދިނުމަށްކަމަށްވެސް ވިދާޅުވިއެވެ.

ޑރ. ޒާކިރު ނައިކު ދެއްވި ޖަވާބުތަކާއިގުޅިގެން ހާޒިރުވެތިބި މީހުން ވަރަށް ގަދައަށް އަތްތިލަބަޑިޖެހިއެވެ. އެޑިޔުކޭޝަން މިނިސްޓަރ ޑރ. މުސްޠަފާ ލުޠްފީވެސް ވަޑައިގެން އިންނެވުމާއިއެކު ބައެއް މީހުން � ކިތަންމެ މޮޅު ދީނީ އިލްމުވެރިޔަކު ވިދާޅުވި ނަމަވެސް ޤަބޫލެއް ނުކުރާނެ. މާތްﷲ ކައުއިތުރު ރަސޫލާ މެދުވެރިކުރައްވައި ދެއްކެވި އިލާހީ މުއުޖިޒާތްތައްވެސް ކާފަރުން ޤަބޫލެއް ނުކުރޭ. � މިފަދަ ބަސްތައް ބުނެފައިވެއެވެ.



އަބްދުއްލަތީފް - މިއަދު ނޫސް