އަހްމަދު ބަދީއު

  • ޝާއިޢުކުރި ތާރީޚް: 08 03 2010
  • މިލިޔުން ކިޔާފައިވާ އަދަދު: 224
  • މޯބައިލް ލިންކު: m.muraasil.com/5932

މުރާސިލްގައި ޝާއިއުކުރެވޭ ލިޔުންތަކަކީ އެންމެން ބަލައިގަންނަ ލިޔުންތަކަކަށް ހެއްދެވުމަށް އެހީތެރިވެދެއްވާ!
މިލިޔުމަކީ މުރާސިލްގައި ޖަހަން އެކަޝީގެން ނުވާ ލިޔުމެއްނަމަ އަޅުގަނޑުމެނަށް އަންގަވާ!
މިލިޔުން ރިޕޯޓުކުރެއްވުމަށް

އޯގާތެރިކަމާއި އެހާރާއި މިހާރުގެ ސަރުކާރު

ދިވެހިރާއްޖެއަށް 2004 ވަނަ އަހަރު ޑިސެމަބަރ 26 ވަނަ ދުވަހުސުނަމީ އެރުމުގެ ކުރީން ، ސުނާމީއޭ ބުނުމުން އެއީ ކޮންއެއްޗެއްކަން އެނގޭ މީހުން ގައުމުގައި ވަރަށް މަދުވާނެއެވެ. އެހެނަސް މިހާރު، ސުނާމީ އުފެދޭން ދިމާވާ ސަބަބާއި އޭގެ ނުރައްކާތެރިކަން ޚާއްސަކޮށް ދިވެހި ރާއްޖެއަށް އޮތް މިންވަރު ނޭނގޭ މީހަކު މަދުވާނެއެވެ. ގުދުރަތީގޮތުން ދިމާވާ މިފަދަ ކަންކަމާއި ދޭތެރޭ ވިސްނާ މުސްތަގުބަލުގައި ވެވުނު މިންވަރަކުން ސަލާމަތްކަން ހޯދުމަކީ ވާޖިބެކެވެ. އަޅުގަނޑުމެންނަށް ސުނާމީއެއް މިހާރު މިވަގުތު އަރަމުން އަންނަ ކަމުގެ ޚަބަރު ލިބިއްޖެއްޔާ ކުރާނީ ކޮންކަމެއްތޯއެވެ؟ އަޅުގަނޑުމެން އެއްވާންވީ ކޮންތާކަށްތޯއެވެ؟ ފުލުހުންނާއި ސިފައިންނަށް އަޅުގަނޑުމެންނަށް އެހީއެއްވެވޭނީ ކޮންގޮތަކަށް އަޅުގަނޑުމެން އެވަގުތު އަމަލުކޮށްގެންތޯއެވެ؟ މިފަދަ އެއްވެސް ސުވާލަކަށް ދޭކަށް ޖަވާބެއް އެކަކު އަތަކުވެސް އަދިއެއް ނެތެވެ. ސަރުކާރުގެ އަތަކުވެސް ނެތެވެ. ސަބަބަކީ މި ސުވާލުތަކީ އަޅުގަނޑުމެން ކުރާ ސުވާލުތަކަކަށް ނުވާތީއެވެ. ބައެއް ބޭފުޅުން ދެކެ ލައްވާ ގޮތުގައި ގުދުރަތީގޮތުން ދިމާވާ ކަންކަމުން ސަލާތްވާން އުޅުމަކީ ހެއްދެވި ފަރާތަށް ގޮން ޖަހަން އުޅުމެވެ. މަރުވާން ހަމަޖެހިފައިވާގޮތަކަށް އެގަޑިއެއްޖެހުމުން މަރުވާނޭކަން ޔަގީނެވެ. ޖަރާސީމުތަކަކީވެސް ގުދުރަތީ އެއްޗެއްސެވެ. ހޮނު އެޅުމާއި ވާރޭވެހުން ފަދަ ކންކަމަކީވެސް ގުދުރަތީ ކަންކަމެވެ. އެކަމަކު މި ތިބެނީ ސަލާމަތްކަން ހޯދުމަށް މަސަތްކަތް ކޮށްގެންނޫންތޯއެވެ؟މިހާރު މިއޮތީ އެމީހަކު އެމީހަކުގެ ސަލާމަތް ހޯދާގޮތަށެވެ. ވަގުތު އައިސް ޖެހުމުން އެކަންޏެވެ.

މާދަމާ ވެސް ސުނާމީއެއް އައުމުގެ އިންޒާރު ނުބައިކޮށް ވިޔަސް ލިބިއްޖެއްޔާ އެ އިންޒާރުގެ ސަބަބުންއެކަނިވެސް، ހަމައެއް ލަމައެއް ނެތި އުޅެވޭގޮތަކުން މީސްމީހުންގެ ފުރާނައަށްވެސް ގެއްލުންލިބޭގޮތް މެދުވެރިވެދާނެއެވެ. މާފަހުން އެއީ ނުބައިކޮށް އައި އިންޒާރެއްކަން އެނގުމުން ވީގެއްލުންތަކުގެ ޒިންމާ އަޅުގަނޑުމެނގެ އިންތިޒާމުގެ ބޮލުގައި ނޭޅި ދާނެތޯއެވެ؟ ދުނިޔޭގެ މީހުންގެ މަލާމާތް އަޅުގަނޑުމެންނަށް ރައްދު ނުވާނެތޯއެވެ؟ ބޭކާރު ކަރުނަ އަޅާން ނުޖެހޭނެތޯއެވެ؟ ވީމާ މިއިން އެނގޭ ކަމަކީ އަޅުގަނޑުމެން އިންތިޒާމު ވާން ޖެހިފައިވާ ކަމެވެ. ސަލާމަތްކަން ހޯދާނޭ ގޮތެއްގެ ޚިޔާލުކޮށް އެއަށް އަމަލީ ސިފަ ގެންނަން ޖެހިފައިވާކަން އެބަ އެނގެއެވެ

މިސާލަކަށް މާލޭގައި މިއޮންނަ ބޭރު ތޮއްޓާއި އެތެރެ ތޮށްޓާއި ދޭތެރޭގައި އެއޮތް ޖާގަ ސާޅިހަކަށް ފޫޓަށް އުސްކޮށް ޝީޓުއަޅާ ، ދޯނިފަހަރަށް ތިރިއަށް ވަދެވޭ ގޮތަށް ތަނބުޖަހާފައި އެތަންތަންނުގެ ބޭނުން މިހާރުވެސް އިޖްތިމާއީ އެކި ކަންކަން ކުރަން ބޭނުން ކުރެވިދާނެއެވެ. ކުދި ކުދި ޕާކު ތަކާއި ކުޅޭތަންތަނާއި ލުއިކާނާ ވިއްކިދާނެއެވެ.މިހެން ގޮސް ކިތަންމެ ކަމެއް ކުރެވިދާނެއެވެ . ހަމަ އެއާއި އެއްކޮށް ސުނާމީގެ އިންޒާރު އައުމުން އެތަނަށް އެރޭ ގޮތަށްވެސް އިންތިޒާމު ކުރެވިދާނެއވެ. ހަމަ ޔަގީނުންވެސް ރައްކާތެރިކަމަށް ފިޔަވަޅެއް އެޅުނީއެވެ. މިފަދަ ކިތަންމެ ޚިޔާލެއް ކިތަންމެ ބޭފުޅުންގެ ހުންނާނޭކަން ކަށަވަރެވެ.

އަޅުގަނޑުމެންގެ ގައުމުގައި މިހާރު ހަދަން ސޮއެ އެކުރެވުނު ފްލޯޓިން ގޮލްފް ކޯސް ހަދަން ކުރެވުނު ސޮޔާއި އެކު މިފަދަ ކަމެއްގެ ސޮއެއްވެސް ކުރެވުނުކަމުގެ ޚަބަރު ލިބުނު ނަމަ އޯގާތެރި ބަޔަކު އެބަތިބިކަން އެނގުނީހެވެ. "ވިސްނުންތެރިކަން" އަދި "ހިކުމަތްތެރިކަން" މި ދެ ލަފުޒަކީވެސް ހަމައެކަނި ވާހަކަ ފަށުވި ކުރަން ބޭނުންކުރާ ލަފްޒުތަކެއް ނޫންކަންވެސް ދިވެހީންނަށް އެނގުނީހެވެ.

މުރާސިލް ހޯމްޕޭޖް އަށާއި ފީޗަރޑް ބަޔަށް ލިޔުން އެރުވުމުގައި ކިޔުންތެރިން ލިޔުމަށް ދޭ ތަރުހީބަށް ބެލޭނެ އެވެ.

Posted on 2010-03-09 07:06:44 | Report this Comment
މުރީދު:

ﷲގެ ކޯފާއިން ސަލާމަތްވުމަށް 8 ބުރި އިމާރާތުގެ މައްޗަށް އަރާއޮތަސް އެކަން ނުވެހިގައިދާނެ.

Posted on 2010-03-09 07:48:32 | Report this Comment
ޖިޙާދު:

ބުނަން ތިއުޅޭ އެއްޗެއް ކުރުކޮށް ފޮނިކޮށް ބުނެފިނަމަ ރަނގަޅު

Posted on 2010-03-09 11:17:11 | Report this Comment
އަހްމަދު ބަދީއު:

މުރީދުއަށް: "ކޯފާ" މި ބަހުގެ މާނައީ ރުޅި ނޫންތޯއެވެ؟ ﷲއަކީ ކޯފާ އިސްކުރައްވައިގެން ކަންކަން ކުރައްވާ ފަރާތެއްކަމަށް ވިދާޅުވާ ބޭފުޅުންނަކީ އެއްކައުވަންތަކަމުގެ މިންންވަރު އިހްސާސް ކުރެއްވުމުގައި ދަތިވެފައިތިބި ބޭފުޅުންނެވެ. ސުނާމީއަކީ އެކލާނގެ ކޯފާފުޅުވެގެން ދިވެހީންގެތެރެއިން ބަޔަކަށް ފޮނުއްވައި އެތައްފުރާނައެއް ހިތްޕެވުމުގެ މަގްސަދުގައި ފޮނުއްވި އެއްޗެއްކަމަށް ގަބޫލު ކޮށްގެން ތިބި ބަޔަކީ އަދި އިތުރަށް ވިސްނަވަން ޖެހޭ ބޭފުޅުންކަމުގައި ނޫނީ ނުވާނެއެވެ. މީހަކު ބޮލަށް ރުކަކުން ކާއްޓެއް ވެއްޓި އަނިޔާ ވުމުން ބުނާނީ ﷲ އެމީހަކުދެކެ ކޯފާވެގެން އެމީހެއްގެ ބޮލުގައި ކާއްޓަކުން ޖެއްސެވީކަމަށްތޯއެވެ؟ ހިލާ ނުބުނެވޭނެއެވެ. ދުނިޔޭގައި ދިމާވާ ކޮންމެ މުސީބާތަކީވެސް އުފަލަކީވެސް އެކަމަކުން އިބްރަތް ލިބި އެކަލާނގެ ކުޅދުންވަންތަކަން ހަދާންކުރަން ލިބޭ ފުރުސަތުތަކެވެ. ސުނާމީއިން އިބުރަތް ލިބުނީ ކިތައް ބޭފުޅުންނަށްތޯއެވެ؟ ފިނިފެން މަލެއްގެ ވަހުން އިބުރަތް ލިބުނީ ކިތައް މީހުންނަށްތޯއެވެ؟ މުޖްތަމައު މިހާރު މިއޮތީ އިބްރަތެއް ލިބުނު ބަޔަކު އުޅޭތަނެއް އޮންނާންވާ ގޮތައްތޯއެވެ؟ ﷲއަކީ އެންމެ އިންސާފުން ކަންކަން ކުރައްވާ ފަރާތްކަމަށް މުސްލިމުން ގަބޫލުކުރެއެވެ. ކަންކަމާއި ދުރާލާ ވިސްނައި، މުސީބާތްތަކުން އެބައެއްގެ ބެލުމުގެ ނުވަތަ އަމުރުގެ ދަށުގައިވާ ބަޔަކު ސަލަމަތް ކުރުމަށްޓަކައި މަސަތްކަތް ކުރުމަކީ ސަވާބާއި ދަރުމަ ހުރި ކަމެއކެވެ. އެގޮތަށް އަމަލު ނުކުރާ މީހުންނަށް އެކލާނގެ އަޒާބު ދެއްވާނޭކަމުގެ ވައުދުވެ ވަޑައިގެންފައި ނުވޭތޯއެވެ؟

Posted on 2010-03-09 22:18:22 | Report this Comment
މުރީދު:

ބަދީއު އަށް، މުރީދުއަށް ބުނެދީބަލަ، ސުނާމީ އަކީ އަދަބެއްތަ ނުވަތަ އިންޒާރެއްތަ؟ މީގައި އަދަބަކަށް ވާނަމަ ކީއްވެތަ އެއްވެސް ކުށެއް ނެތް ބަޔަކު ހަލާކުވެދަނީ؟ މުރީދުގެ ދީނީ އިލްމު ކޮށިކަމުން ހަމަ އަހާލެވުނީ. އެއްޗެއް ހީނުކުރުން އެދެން.
މީމު: އިންޒާރެއް

Posted on 2010-03-10 11:40:23 | Report this Comment
ކިއުއެސް:

ބައެއް ކަހަލަ މުސީބާތް ތަކަކީ ނުވަތަ ގުދުރަތީ ހާދީސާތަކާއި ކާރިސާތަކަކީ ގެއްލުން ދެނިވި ކަންތައް ތަކެކެވެ. މިކަން މިހެން ހުރި ނަމަވެސް އެކަންކަމުގެ ފަހަތުގައި އިންސާނުންނަށް ލިބިގެންދާ ފައިދާތައް ނުހަނު ގިނަގުނައެވެ. ދުނިޔެވީ ގޮތުންނާއި އުޚުރަވީ ގޮތުންވެސް މެއެވެ. 26 ޑިސެމްބަރ 2004 ގެ ސުނާމީ ގެ ކާރިޘާ އަށް ފުންކޮށް އަދި ޕޮޒިޓިވް ކޮށް ވިސްނާލަ ބަލާށެވެ. އެކަމުގައި އިންސާނުންނަށް ލިބިގެން ދާނެ ވަރަށް އިބްރަތް ތެރި ފިލާވަޅުތަކެއް ވާނެވެ. ހަމައެކަނި ދުނިޔެވީ ނަޒަރަކުން ބެލިނަމަވެސް ވޭތުވެ ދިޔަ 100 ވަރަކަށް އަހަރު ތެރޭގައިވެސް ނުލިބޭފަދަ ހަލުއި ކުރިއެރުންތަކެއް ދިވެހިންނަށް ސުނާމިގެ ސަބަބުން ލިބިގެން ދިޔަ ކަމީ ހަޤީގަތެކެވެ. މީގެ ކުރިން ޣާފިލުވެފައި ތިބި ކިތައްމެ ކަމަކުން ހޭލެވި ދުނިޔެއަށް ލޯހުޅުވިގެން ދިޔައެވެ. އެތައްބަޔަކަށް ނޭންގި އޮތް ދިވެހިރާއްޖެ އެތައްގޮތަކުން މަޝްހޫރު ވެގެން އިސްތިހާރުވެގެން ދިޔައެވެ. މިހެންގޮސް ކިތައްމެ ކަމެއް ލިޔެވިދާނެއެވެ. މިކަމަކީ ވަރަށް ފުޅާ ދާއިރާ އެއްގައި ބަހުސް ކުރެވިދާނެ ކަމެކެވެ.

Posted on 2010-03-10 23:35:38 | Report this Comment
އަހްމަދު ބަދީއު:

ސުނާމީ އަކީ ﷲފޮނުއްވި އަދަބެއްތޯ ނުވަތަ އިންޒާރެއްތޯ ކަނޑައަޅައި އަޅުގަނޑު ނިންމުމަކީ ކޮންމެހެން ބޭނުންކަމެއް ކަމަކަށް ނުދެކެމެވެ.މުރީދު ދެކެލެއްވާގޮތަކީ މުރީދުގެ ގޮތެވެ. ހަމަ ކަށަވަރުންވެސް އެނގެން އޮތްކަމަކީ ސުނާމީ އިން ބަޔަކުމީހުން މަރުވެ ދިޔަކަމެވެ.މުރީދުގެ ސުވާލަކީ ކީއްވެގެންހޭ މައުސޫމު ބަޔަކު މަރުވެ ދިޔައީ . . އިސލާމްދީން ގަބޫލުކުރާ ބަޔަކު ސުވަރުގެ އާއި ނަރަކަ ގަބޫލު ކުރެއެވެ. މީހަކު މަރުވުމުން ދާނީ އެދެތަނުންކުރެ ތަނަކަށެވެ. މީހެއްގެ މައުސޫމް ކަމާއި ނުބައިކަމުގެ ސަބަބުން އެމީހަކު ދާނޭ ތަނެއް ކަނޑަ އަޅުއްވާނީ މަތީ ފަރާތުންނެވެ. ވީމާ މުރާދު ދެކިލައްވާ ގޮތުގައި ކުށެއްނެތް މީހުން ސުނާމީގައި ދުނިޔެ ދޫކުރުމުން، އެބަޔަކު ﷲގެ ހަޒްރތުގައިވެސް ކުށެއްނެތް ބައެއކަމަށް ވަންޏާ އެބަޔަކު ދާނީ ސުވަރުގެއަށް ކަމަށް އެކލާނގެ ވައުދު ވެ ވޮޑިގެންވެއެވެ. މުރާދު އެފަދަ މީހުންނާއި ދޭތރޭ އުފާ ނުވާނެތޯއެވެ؟ ދެން އަނެއްކޮޅުން މަރުވި މީހުންގެ ތެރޭގައި ނުބައި ނުލަފާ ބަޔަކު ތިބިކަމަށް ވަންޏާ އެބަޔަކަށް ނަރަކަ ހައގުވެ ނަރަކަޔަށް ދިޔުމަކުންވެސް ިސްލާމް ދީން ގަބޫލު ކުރާ މީހަކު މައްސަލަ ޖެއްސުމަށް ޖާގައއެއް ނެތެއް ނޫންތޯ. ކޮންމެ ގޮތެއްވިޔަސް އަޅުގަނޑު ގަބޫލުކުރާ ގޮތުގައި ރައްކާތެރިކަން ހޯދުމަށް މަސަތްކަތް ކުރުމަކީ ކުރަންޖެހޭ ކަމެކެވެ.

ނަން:

ވެބްސައިޓް:

ހިޔާލު:

  • - ލިޔުންތަކަށް ހުށަހެޅޭ ކޮމެންޓް ތައް ޝާއިއު ކުރާނީ ލިޔުންތެރިޔާ އެވެ.
  • - މި ގޮޅީގައި ލިޔުއްވާއިރު ކޮމްޕިއުޓަރގެ ރީޖަނަލް / ލެންގުއޭޖް ސެޓިންގްސް އިން ދިވެހި އިޙްތިޔާރު ކުރައްވާކަށް ނުޖެހޭނެ.
  • - އާއްމުކޮށް ބަލައިގަނެވޭ އަޙްލާގީ މިންގަޑަށް ނުފެތޭ ލިޔުންތައް ޝާއިއު އެއް ނުކުރެވޭނެ ވާހަކަ ދަންނަވަން.