އަޅުގަނޑު ހިތައް އަރަނީ ދިވެހި ފިލްމު ތަކުގެ %99 އަކީ ސީދާ ކޮޕީއެވެ. ލަވަތަށް ވެސް މިހެންނެވެ. މިވާހަކަ ދެން އިތުރަށް ނު ލިޔުނަސް މިއީ އެންމެނަށްވެސް އެނގޭ ވާހަކައެކެވެ. އިންޑިޔާ މީހުންގެ ފިލްމުތައް ކޮޕީކޮށް އެމީހުންގެ މިއުޒިކް 24 ގަޑިއިރު ޖަހާއިރު ލަދު ޙަޔާތް ކޮބައިހެއްޔެވެ؟ އަޅެފަހެ ކޮބައި ހެއްޔެވެ؟ އޭތި އޮތީ ކޮންތާކު ހެއްޔެވެ؟ އޮތްތަނަކުން ނެރިގެން ދައްކަން ވެއްޖެ ނޫންހެއްޔެވެ؟ އެހެންޏާ ކަމެއް ވާއިރަށް އިންޑިޔާވިއްޔާ ކަޓުވާނެއޭ ކިޔާ ދިވެހިންގެ ހުރި މާތްކަން ތިޔަ ދައްކަނީ ކާކަށް ހެއްޔެވެ؟ ތާކަށް ކާން ދިޔައިއްޔާ ޗިލީޗިކަން ،ޗިލީފިސް މިއީ ތިޔަބުނާ ކަޓު އިންޑިޔާގެ ކެއުންތަކެވެ. ބޭސްކުރަންވެސް ތާއަބަދު އެތާ ތިބެފައި އިންޑިޔާ ކަޓު، ނުވަތަ އިންޑިޔާ މީހެއް މިހެން ބުނެލަން ކިހާ ތާހިރު ހެއްޔެވެ؟
ކޮންމެއަކަސް މައުޞޫޔަކީ އަދި ކުރިން އެދިޔަ އޮލަވަރެއް ނޫނެވެ. މިއުޅޭ ފިލްމު ހަދާ، ލަވަހަދާ މީހުން ކޮޕީ ކުރާވަރުން ނުކުޅަދާނަވެގެން އިންޑިޔާގެ މަޝްހޫރު ތިން ކުންފުންޏަކުން ދިވެހިން ގޮވައިގެން ކޯޓަށް ދާން އުޅޭ ކަމުގެ ޚަބަރު ރޭގައި ސޮނީޓީވީގެ ޝޯވްއެއްގައި ކުންފުންޏެއްގެ ޗެއަރމަނަކު ބުނެފިއެވެ. އަދި މިކަމުގައި ރާއްޖޭގައި ހުރި އިންޑިޔާ އެންބަސީން މިކަމުގައި ފުރިހަމަ އެއްބާރުލުން ދޭނެކަމުގައި ބުނެފައިވާކަން ވެސް ހާމަ ކޮށްފައިވެއެވެ. އިންޑިއަން ހައިކޮމިޝަނުން މިހާރު ރާއްޖޭގެ މިދާއިރާގެ މައްލޫމާތް ހޯދަމުން ތައްޔާރުވަމުންދާ ކަމުގައި ބުނެފައި ވެއެވެ. ނަންލާފައި ދިވެހި ރާއްޖެއާއި ލަންކާ އަދި ނޭޕާލުގެ ވާހަކަ ބުނެފައިވެއެވެ. އަނެއްކާވެސް ދިވެހިން ފިލްމީ ދުނިޔޭގައި ބަދުނާމު ވީއެވެ. ކިތައް މިލޮޔަން މީހުން ބަލާން ތިއްބާ އެބުނި ވާހަކަކުން މުޅިން ރަޑަ ވެއްޖެއެވެ. ތިޔަ ކޮޕީ ފިލްމުތަކާއި ލަވަތައް އަވަހަށް އަންދައިލާ ނައްތާލާށެވެ. ޤައުމުގެ އަބުރު ސަލާމަތް ކުރާށެވެ. މާތްވެގެންވާ ދިވެހިންނޭވެ! ކަޓު އިންޑިޔާ މީހުންގެ ރާގުތަކަށް ހެދިފައި ހުރި ލަވަތައް ދެން ދުވަހަކުވެސް ނުގަންނާށެވެ. މިހަކަލަ ލަދުން ސަލާމަތް ވާނެއެވެ.
އަނެއްކޮޅުން މިދާއިރާއަކީ ވާ ދާއިރާއެކެވެ. ނުލަފާ އަގުހެޔޮ ގޮތްކުޑަ ބަޔަކު އުޅޭ ދާއިރާއެކެވެ. މިއިން އެއްވެސް މީހެއްގެ އަބުރެއް ޤަދަރެއް ނޯންނާނެއެވެ. މިއީ ކާފަރުކަމުން ބަޔަކު މަކަރުން ކުރާކަމެކެވެ.
"ދިވެހި ޤައުމީ ޓީވީ އިން ފޮނުވި ޕްރޮގްރާމެއްގައި ވާހަކަދައްކަމުން، ފިލްމު ކުޅޭމީހުންނަކީވިޔާނުދާ ބައެއްނޫންކަމަށްބުނި ގދ.ރަށަކަށް ނިސްބަތްވާ ފިލްމުކުޅޭ އަންހެނަކާއި، ޓީވީގެ އެހެން ޕްރޮގްރާމެއްގައި ވާހަކަ ދައްކަމުން ސުވަރުގެ ދެވެނީ ޕޯސްޓަރ ތަތްކޮށްގެންތޯ ސުއާލު ކުރި މާލެއަށްނިސްބަތްވާ، ފިލްމުކުޅޭ ފިރިހެނަކާއި ދެމީހުން ގަލޮޅު ގެއެއްގެ ކޮޓަރި ތެރޭގައި ބަދުއަޚުލާގީ އަމަލެއް ހިންގިކަން ޝަރީއަތަށް ސާބިތުވެގެން، އެވާހަކަ ދެއްކިތާ އެއްހަފުތާ ނުވަނީސް ޖަސްޓިސް ބިލްޑިންގެ ތިރީގައި ދުއްރައިން ތެޅިކަން އެއީ އެންމެންދަންނަ ހަޤިޤަތެކެވެ. އަދި ހަމައެހެންމެ ފިލްމީ ދާއިރާގައި ހަރަކާތްތެރިވާ ފިރިހެނަކު އެދާއިރާގެ އަންހެނަކާއި ކައިވެނިކޮށްފިނަމަ، ވަރަށްމަދު މީހަކުފިޔަވައި އަންހެންމީހާއަށް ފިލްމުކުޅުން މަނާކުރާކަން އެއީ ތިޔަ ދާއިރާގެ ހާލަތު ހާމަކޮށްދޭ ކަމެކެވެ. "
އަޅުގަނޑު އިންޑިޔާގެ ހުރިހާ ދާއިރާތަކަށް ގޮވާލާނީ އަވަހަށް އައިސް މަސައްކަތް އަވަސް ކުރުމަށެވެ. މިވެރިން ކޯޓަށް ގެންގޮސް ކޮޕީތައް ނައްތާލުމަށެވެ. އޭރުން އަމިއްލަވާން ދަސްވާނެއެވެ. ލަދުން ބޯހަލާކުވާވަރު ވެއެވެ. ޤައުމު ބަދުނާމު ކުރުމުގެ ނަމުގައި މިމީހުންނަށް ބަންޑާރަ ނާއިބު އޮފީހުންވެސް ކަރުދާސް ފޮނުވަން ވާނެއެވެ.ހަޖަމު ކުރާށެވެ. މިއީ ޙަޤީޤަތެވެ. ދެންވެސް އިންޑިޔާ ކަޓު ނުކުރާށެވެ. އެއީ ނިއުކުލިއަރ ބާރެކެވެ.
jibueblog.blogspot.com