ނ. ވެލިދޫ ޑީއާރުޕީ ގޮފީގެ ރައީސް މުޙައްމަދު އައްބާސް ބަނގުރާކަމަށް ޝައްކުކުރެވޭ ފުޅިތަކަކާއެކު މިއަދު ވެލިދޫ ޕޮލިސް ސްޓޭޝަންގެ ބެލުމުގެ ދަށަށް ގެންގޮސްފިއެވެ.

ފުލުހުންގެ މީޑިޔާ އޮފިޝަލް ސަބްއިނިސްޕެކްޓަރ އޮފް ޕޮލިސް އަޙުމަދު ޝިޔާމް މިއަދު ވިދާޅުވީ ވެލިދޫގައި ބަނގުރާފުޅިތަކެއް ކަމަށް ޝައްކުކުރެވޭ ފުޅިތަކަކާއެކު ތިން މީހަކު ފުލުހުންގެ ބެލުމުގެދަށަށް ގެންނަވާފައިވާ ކަމަށާއި އެމީހުން އެތަކެތި ވެލިދޫއަށް އެތެރެކޮށްފައިވާ ކަމަށް ބެލެވެނީ ކައިރީގައި އޮތް ރިސޯޓަކުން ކަމަށެވެ.

މިމައްސަލަ ވެލިދޫ ޕޮލިސް ސްޓޭޝަނުން މިހާރު ތަޙްޤީޤު ކުރައްވަމުން އަންނަ ކަމަށް ވެސް ޝިޔާމް ވިދާޅުވިއެވެ.