ذكر އަކީ ޤުރުއާން ސޮފްޓްވެއަރ އެކެވެ. ذكر އަކި އެއްވެސް އަގެއް ދެއްކުމެއް ނެތި މުޅިން ހިލޭލިބޭނެ ސޮފްޓްވެއަރ އެކެވެ. އަދި ދާދި ފަހުން މޯލްޑިވްސް އޯޕަންސޯސް ސޮސައިޓީގެ ފަރާތުން ވަނީ މުޅި ذكر ސޮފްޓްވެއަރ ގެ މެނޫތަށް ދިވެހި ބަހަށް ތަރުޖަމާކޮށް އަދި ރައީސުލް ޖުމްހޫރިއްޔާގެ އޮފީހުގެ ވެސްސައިޓްގައި ހިމެނީ ދިވެހި ތަރުޖަމާ ذكر އިން ފެންނާނެ ގޮތް ހަދާފައެވެ. ذكر ބޭނުން ކުރައްވާނެ ގޮތް ތިރީގައި އެވަނީއެވެ.

އެންމެ ފުރަތަމަ www.zekr.org އަށް ޒިޔާރާތް ކޮށް ސޮފްވެއަރ ޑައުންލޯޑް ކުރައްވާށެވެ. އަދި ބޭނުން ކުރައްވާ އޮޕަރޭޓިން ސިސްޓަމް ހިޔާރު ކުރައްވާށެވެ. ذكر އަކީ ހުރިހާ އޮޕަރޭޓިން ސިސްޓަމް ތަކެއްގައިވެސް މަސައްކަތް ކުރައްވާ ގޮތައް ފަރުމާ ކުރެވިފައިވާ ސޮފްޓްވެއަރ އެކެވެ. މިގޮތުން ވިންޑޯސް، މެކް އަދި ލިނަކްސް ގައި ބޭނުން ކުރެވޭނެއެވެ.

ވިންޑޯސް ބޭނުން ކުރައްވާނަމަ، ވިންޑޯސް ވާޝަން ޑައުންލޯޑް ކުރައްވާށެވެ. ވިންޑޯސްވާޝަން މިލިންކުން ލިބިވަޑައިގަންނަވާނެއެވެ.
http://zekr.org/quran

ذكر ބޭނުން ކުރެއްވުމަށް ޖާވާ ބޭނުންވާނެއެވެ. ޖަވާ ނެތް ނަމަ ޖާވާ ރަންޓައިމް އެންވައިރަމެންޓް ސިސްޓަމް އަށް އަޅުއްވާށެވެ.



ދިވެހި ތަރުޖަމާ އެޅުއްވުމަށް ތިރީގައިވާ ގޮތް ހައްދަވާށެވެ.

http://dl.dropbox.com/u/5385653/zekr/dv.trans.zip

މަތީގައި އެވާ ލިންކުން ދިވެހި ތަރުޖަމާ ލިިބިވަޑައިގަންނަވާނެއެވެ. ތަރުޖަމާ އެޅުއްވުމަށް ޓޫލްސް އަށް ގޮސް އެޑްއަށް ދާށެވެ. އަދި އެއަށްފަހު އެޑްޓްރާސްލޭޝަން އަށްދާށެވެ. އަދި ޑައުންލޯޑް ކުރެއްވި ފައިލް ހިޔާރު ކުރައްވާށެވެ. ފައިލް ހިޔާރު ކުރައްވާއިރު އިންޒާރެއް ސްކުރީންއިން ފެނިވަޑައިގަންނަވާނެއެވެ. މިއީ އެއްވެސް މައްސަލައެއް ނޫނެވެ. މިމައްސަލަ ދިމާވަނީ އެއީ އަދި ذكر ސޮފްޓުވެއަރ ހައްދަވާ ބޭފުޅުންގެ ވެބްސައިޓްގައި މިތަރުޖަމާ ނުހިމެނޭތީއެވެ. މިގޮތައް ހެއްދެވުމަށްފަހު ވިއުއަށް ޓްރާންސްލޭޝަން މެނުއަށް ދާށެވެ. އަދި މެނޫގެ ތެރެއިން ދިވެހި .
ތަރުޖަމާ ހިޔާރު ކުރައްވާށެވެ.

މެނޫތައް ދިވެހިބަހަށް ބަދަލުކުރުމަށް ތިރީގައިވާ އެކްސް އެމްއެލް ފައިލް ޑައުންލޯޑް ކުރައްވާށެވެ.
http://dl.dropbox.com/u/5385653/zekr/lang/dhivehi.xml

އަދި ތިރީގައިވާ ފޯލްޑާއަށް އެފައިލް ޕޭސްޓް ކުރައްވާށެވެ.

C:\Program
Files\Zekr\res\lang

އެއަށްފަހު ޓޫލްސްއަށް ގޮސް އޮޕްޝަންއަށް ދާށެވެ. އަދި އެތަނުން ލޭންގް އޭންޖްއަށް ދިވެހި ބަސް ނަންގަވާށެވެ.

ނޯޓް : މިމަސައްކަތް ކުރުމުގައި ވަރަށް ބުރަ މަސައްކަތެއް ކޮށްފައިވާ ނާއިލް އަބްދުލް ރަޙްމާން އަށް ފަށްފަށުން ޝުކުރު އަދާ ކުރަމެވެ.
http://kudanai.blogspot.com/
ލިޔުނީ : މުހައްމަދު މާލިކް
ހައްދަވާނެ ގޮތް އިނގިރޭސި ބަހުން ބޭނުންވާނަމަ ތިރީގައިވާ ލިންކުތަކުން ފެންނާނެއެވެ.

http://www.mohamedmalik.com/?p=280

މޯލްޑިވްސް އޯފަންސޯސް ސޮސައިޓީގެ މަޢުލޫމާތު ތިރީގައިވާ ލިންކުން ލިބިވަޑައިގަންނަވާނެއެވެ.
www.moss.org.mv