އާދެ! ކުޑަވެސް ޝައްކެއް ނެތެވެ. ޢަދާލަތު ޕާޓީ ތަމްޘީލު ކުރައްވަމުން ގެންދަވާ އިސްލާމިކް މިނިސްޓްރީގެ ހިތްވަރު ގަދަ ޝޭޚް އަކީ އޮޅިވަޑައިގެންފައި ނުވާނޭ ފަދައިން އައްޝައިޚް މުޙަމްމަދު ޝަހީމް ޢަލީ ސަޢީދު އެވެ. އެއީ މުއުމިން ޝުޖާޢްގެ ޙައްޤު ލަގަބު ރައްޔިތުންގެ ފަރާތުން އަރުވަން ޖެހޭ ޢަދުލު އިންސާފަށް ލޯބި ކުރައްވާ ޕާޓީގެ ސްޓޭންޑް އަބަދުވެސް އިސްލާމީ ތަރަޙައިގެ ތެރޭގައި ތަރުޖަމާ ކުރައްވާ ހިތްވަރު ގަދަ ކެރޭ މުރާލި ޙަރަކާތް އަވަސް ބޭފުޅެވެ. އަޅުގަނޑު ބަކުރުބެ އައްޝައިޚް މުޙަމްމަދު ޝަހީމް ޢަލީ ސަޢީދު އަށް ފަށްފަށުން ހިތުގެ ފުންމިނުން އިޚްލާސްތެރި ކަމާއެކު ޝުކުރުގެ ގޯނިގޯނިން ވެދުން ކުރަމެވެ.

މިއަދު ޚަބަރު ފަތުރާ ވަސީލަތްތަކުން އަޑުއިވިގެން އެދިޔައީ އެމަނިކުފާނު އިސްލާމްދީނަށާއި ޤައުމަށް ހުންނަ ލޯބީގެ ނަމޫނާއެއް ކަމަށް ބަކުރުބެ ސިފަ ކުރަމެވެ. މަގުތަކުގެ މަތީގައި ބައެއް މަޖީލުގެ މެންބަރުން އަމިއްލައަށް ކޯޓް ހަދައި ޢަދްލު އިންސާފު ޤާއިމް ކުރުމުގެ ނިޒާމުގެ އަގުވައްޓާލަން ކުރާ މަސައްކަތް ވަރަށް ސީރިއަސްކޮށް ކުއްވެރި ކުރެއްވިއެވެ. މިއީ ފާހަގަ ކުރަންޖެހޭ ކަމެކެވެ. ދަންނަވަންތޯއެވެ! މިވާހަކައިގާ އެއްވެސް ބޭފުޅެއްގެ ނަން ވިދާޅުނުވެ ވަރަށް އޮމާންކޮށް ތެދު ބަޔާން ކުރައްވާފައިވެއެވެ. އަޅުގަނޑުމެން އެންމެންނަށްވެސް އެއީ ކޮންމެންބަރެއްކަން ފާޅުގައި އެނގޭއިރުވެސް ޢިލްމުވެރިއެއްގެ ޙައިސިއްޔަތުން އެމަނިކުފާނު އެ ގެންގުޅުއްވި އުސޫލަކީ ކޮންމެ ޢިލްމުވެރިއަކުވެސް ހިފަހައްޓަވަން ޖެހޭ ރިވެތި ނަމޫނާއެކެވެ.

ބަނގުރަލުގެ މައްސަލައިގާވެސް އެއްވެސް ޖެހިލުމެއްނެތި އިސްތިޢްފާ ދެއްވާނެ ކަމަށް ވިދާޅުވީވެސް ހަމަ އެމަނިކުފާނެއެވެ. އައްޝައިޚް މުޙަމްމަދު ޝަހީމް ޢަލީ ސަޢީދު އަކީ ދޫހެލޭ ބަސްމޮށުންތެރި ފޭބުޅެއްކަމުން އެފަހަރު ސަރުކާރުން އެމަނިކުފާނުގެ ކެރުމާއި ހިތްވަރު ފެނިފައި ބަނގުރާގެ މައްސަލަ ދޫކޮށްލެވިކަމުގެ ބަހަނާ ދެއްކެވިއެވެ. މި ޙަރަކާތުގައި "ޢަދާލަތު ޕާޓީވެސް ހިމެނޭކަން ހަމަ ފާހަގަ ކޮށްލަމެވެ. އެހެންނަމަވެސް ޢާއްމު އުސޫލުން އައްޝައިޚް މުޙަމްމަދު ޝަހީމް ޢަލީ ސަޢީދު އަކީ ދިވެހި ރާއްޖޭގެ ދީނާއި ޤާނޫނު އޭގެ އެންމެ ފުރިހަމަ ގޮތުގައި ތަންފީޒު ކުރައްވަން މަސައްކަތް ކުރައްވާ ލާމަސީލު ބަތޮލެވެ.

އަޅުގަނޑުމެން ދިވެހިންގެ އުއްމީދު ދީނީ ކަންކަމުގައި މަނިކުފާނާއި އެކު ވާކަން މިފުރުސަތުގައި ނުހަނު އުފަލާއިއެކު ދަންނަވަމެވެ. އަދި މަނިކުފާނަކީ އަދާލަތު ޕާޓީ ސިޔާސީގޮތުން އަރި އަޅާލާ ކޮންމެ ދަނޑިވަޅަކު އެކަން ހިފަހައްޓަވާ ޢަދާލަތުގެ ނައު ތޫފާނުން ބޭރަށް ގެންދަވާ " ސިންދުބާދަށް" ވާގެނެން ދާނެ ކަމީ އަޅުނޑުމެން ހިތުގެ އަޑިން ޤަބޫލު ކުރާ ކަންކަމެވެ. ބައެއްފަހަރު ކަންކަމުގައި ޕާޓީގެ އަޑު ނީވި ރައްޔިތުން ހާސްކަމުގައި ތިބެންޖެހޭ ފަހަރު ޕާޓީގެ އަސްލު މަޤްސަދު ޕާޓީގެ ބޭފުޅުންނަށް ހަނދުމަކޮށްދީ އެބޭފުޅުން ނަށް ހިތްވަރު ދެއްވާ ތިޔަ ކުރައްވަނީ ދީނީ އަދި ޤައުމީ މަސައްކަތެކެވެ. ﷲ މަނިކުފާނާއި މަނިކުފާނުގެ ޢާއިލާއަށް ހެޔޮގޮތް ދުނިޔެއާއި އާޚިރަތުގައި ދެއްވާދޭނވެ.! އަދި ޕާޓީގެ އެންމެ ހާ އިޚްލާސްތެރި އަޚުންނާއި އުޚުތުން އަދި ޝޭޚުންގެ ހުރިހާ ބޭފުޅުން އެކުގައި މައްސައްކަތް ކޮށް ދުރުރާސްތާ ހެޔޮވެރިކަމަކަށް ވިސްނަވާށެވެ. ﷲ ތަވްފީޤް ތިޔަ ބޭކަލުންނަށް ދެއްވުމަށް އެދި ދަންނަވަމެވެ. އާމީން.. ސުއްމަ އާމީން..