މޯލްޑިވިއަން އޯޕަން ސޯސް ސޮސައިޓީގެ ފަރާތުން އުބުންޓޫ 10.04 ދިވެހިރާއްޖޭގައި އިފްތިހާހު ކުރުމުގެ ގޮތުން މާދަމާ ހަވީރު(1 މެއި 2010)ގެ ހަވީރު 5.00 ކުން ރޭގަނޑާއި ހަމައަށް މަޖީދީއްޔާ ސްކޫލްގެ ހޯލުގައި ލޯންޗް ޕާޓީއެއް ބާއްވާގޮތައް ހަމަ ޖައްސައިފިއެވެ.


އުބުންޓޫގައި ލިނަކްސް ކާނަލް ބޭނުން ކުރަމުންގެންދާ އޮޕަރޭޓިން ސިސްޓަމްގެ ތެރެއިން މުޅިދުނިޔޭގައި އެންމެ މަޤުބޫލް އޮޕަރޭޓިން ސިސްޓަމްއެވެ. މޯލްޑިވިއަން އޯޕަން ސޯސް ސޮސައިޓީ (މޮސް)ގެ ފަރާތުން އިންތިޒާމް ކޮށްގެން ބާއްވާ ލޯންޗް ޕާޓީގައި އުބުންޓޫއާއި ބެހޭ މަޢުލޫމާތު ބައިވެރިންނަށް ފޯރުކޮށްދެވޭނެއެވެ. މަޖިދީއްޔާ ސްކޫލްގެ ހޯލްގައި ބޭއްވުމަށް ހަމަޖެހިފައިވާއިރު މިކަމާއި މެދު ޝައުގު ވެރިވާ ކޮންމެ މީހަކު ވެސް ވަޑައިގަތުމަކީ މޮސްގެ ވަރަށް ބޮޑު އެދުމެކެވެ.

ލޯންޗް ޕާޓީގައި އުބުންޓޫއާއި ބެހޭ މަޢުލޫމާތު ދިނުމުގެ އިތުރުން އުބުންޓޫއިން ކުރިވިދާނެ ތަފާތު ބޭނުންތައް ދައްކާލުމުގެ ގޮތުން އުބުންޓޫ އަޅާފައިވާ ގިނަ އަދަދެއްގެ ކޮންޕިއުޓަރ ތަކެއްވެސް ބެހެއްޓިގެންދާނެއެވެ. މިގޮތުން އޮފީސް މާހައުލުގައި އުބުންޓޫ ބޭނުންކުރުމާއި، ކިޔަވާ ކުދިންނާއި ރަޙްމަތްތެރި ގޮތަކަށް އުބުންޓޫ ދައްކާލުން ހިމެނިގެންވެއެވެ. އަދި މީގެ އިތުރުން އުބުންޓޫގައި ހިމެނޭ ގޭމް ތަކާއި މަލްޑިމީޑިޔާ ސޮފްވެއަރ ތައް ވެސް ދައްކާލެވޭނެއެވެ.

މޯލްޑިވިއަން އޯޕަންސޯސް ސޮސައިޓީއާއި ބެހޭ އިތުރު މަޢުލޫމާތު www.moss.org.mv އިން ލިބިވަޑައިގަންނަވާނެއެވެ.

މޮސް ފޭސްބުކްގައި http://www.facebook.com/#!/group.php?gid=112358445456818&ref=ts