މާލެ 16:15 ހެންވޭރު އާޓިފިޝަލް ބީޗް ކައިީ ހުންނަ އެޕާރޓީގެ އޮފީސް ކުރުމަތިން ފެށި މި މުޒާހަރާގެ ބައިވެރިން މިހާރު ބެންކް އޮފް މޯލްޑިވްސް އާއި ހިސާބުން ފުލުހުން ބަންދުކޮށްފައިވާތީ އެހިސާބުގައި ތިބެ އެކި ޝުއޫރު ފާޅުކުރަމުން އެބަގެންދެއެވެ. ފުލުހުންވަނީ ރައީސް އޮފީސް އާއި ރައީސް ހުންނަވާ ގެކޮޅު މުލިއާގެ އިތުރުން ފުލުހުންގެ މަރުކަޒު ހިމެނޭ ސަރަހައްދު ހަވީރު 3 އިން ފެށިގެން ދުއްވާ އެއްޗެތި ނުވަދެވޭ ގޮތަށް ބަންދުކޮށްފައެވެ.

މާލެ 16:10 މިމުޒާހަރާގައި އިސްކޮށް ހަރަކާތް ތެރިވެލައްވަނީ ޑީ.އާރ.ޕީގެ ނައިބު ލީޑަރުން އުމަރު ނަސީރު، އަލީ ވަހީދު އަދި އިލްހާމް އާއި ޕާރިމަންޓަރީ ގްރޫޕްގެ މެމްބަރުން ކަމުގައިވާ މަހްލޫފް އާއި ނިހާން އެވެ.

މާލެ 16:00 ރައްޔިތުންގެ މަޖްލީހުގެ ތެރޭގައި ދެޕާޓީގެ މެދުގައި މަސްލަހަތު ގޯސްވެ ހަމަނުޖެހުން އުފުދެމާއި ގުޅިގެން މަޖްލިސް ކުރިއަށް ނުގެންދެވޭތީވެ އެކަމާއި ނުރުހުން ފާޅުކޮށް ޑީ.އާރް،ޕީ އިން މާލޭގައި މުޒާހަރާ އެއް ފަށައިފި.