މިއަދު ނެގެން އުޅޭ އިތުބާރު ނެތްކަމުގެ ވޯޓުގެ ހަބަރެއް ބަލާލުމަށް އެކިއެކި ނޫސްތަކުގެ ސައިޓުތަކާ ރެޑިއޯތައް އަޑުއަހާލުމަށް ކުރި މަސައްކަތުން ފުރަތަމަވެސް ކަންފަތަށް އިވުނީ ޗަންޕާއުއްޗުގެ ޕްރޮޕެގެންޑާ ދޮގު މެޝިނުން ޑރ. ޝަހީދާ ބެހޭ ގޮތުން ސަރުކާރާ ދެކޮޅު މީހުންގެ އަޑުތަކެވެ. އެތައް ދުވަހެއްކޮށްފައި، ރާއްޖެއާ އެތައް މޭލެއް ދުރުން، ދިވެހި ރޭޑިއޯއެއް، ދިވެހި ހަބަރެއް ބަލާލުމުންވެސް މިމީހުންގެ ނާތަހުޒީބީ ، ފިނޑިއަމަލުތައް ހައްދުފަހަނައަޅާފައިވާ ވަރު ފެނިއްޖެއެވެ. ދިވެހިން ހަރުމުދާކަމަށްވާ ކަނޑުފަޅުން އަމިއްލައަށް ރަށް ހަދައިގެން މުދާ ފޭރިގަނެގެން އުޅޭ ރަންނަމާރިންގެ ވައްތަރަކީތީއީދޯއެވެ. އެމްޓީޑީސީ ބަނޑު އަޅާލަން އުޅެ އެކަން ނުވެގެން ރާޑިވެގެން އުއްޗު ވައްވައް ޖަހާނެއެވެ. ސަރުކާރަށް ހަމަ އެއްޗެކޭވެސް ހިތައްނާރާނެއެވެ. އުއްޗުމެންގެ ހަގީގީ ސިފަ އަދި ދިވެހިރައްޔިތުންނަށް ފެންނާނެއެވެ. ކުރަމުންދާ ވަހުޝީ އަމަލުތަކުގެ ހިސާވުބެއްލެވޭ ދުވަހެއްވެސް ވާނެއެވެ. އެދުވަހަކުން ތިޔަ ޒައީމެއްގެ މަދަދެއް ނުލިބޭނެއެވެ.

ދިއެފްއެމްގެ ތި ނާތަހުޒީބީ އަމަލު، ފިނޑިއަމަލުތައް އެންމެ ވައްތަރީ ތަމަޅައިން ރާއްޖެ ހިފުމަށް ދިން ނާކާމިޔާބު ހަމަލައާއެވެ. ސަރުކާރާ ދެކޮޅަށް ކަތިވަޅިހިފައިގެން ރީތިގޮތުގައި ނުކުންނާށޭ ތިޔަ ބުނަނީ ދޯއެވެ.

އުއްޗުއާ ބެހޭގޮތުން ދައްކާނެ ވާހަކަ، ޑރ.ޝަހީދަށްވުރެ ގިނަވާނެއެވެ. މަޑުން މިތިބެނީ ވާނުވާ ނޭންގިއެއްނޫނެވެ.

ކުޑަކުދިންގެ ހައްގުތަކާއި، ކިޔަވާކުދިންގެ ހައްގުތަކާ، އަންހެންކުދިންގެ ހައްގުތަކާއި، ނިކަމެތި އަތޮޅުތެރޭގެ ކުދިންގެ ހައްގުތަކުގެ ވާހަކަ ތިޔަ ރެޑިއޯއިން ކިޔާނެ ދުވަހަކަށް އެބަ އިންތިޒާރުކުރަމެވެ. އަހަރެންގެ ހިޔާލުވެސް ރައްޔިތުންނަށް އިއްވަންވާނެއެވެ. ފޯނުކޯލަށް އިންތިޒާރުކުރާށެވެ. އަހަރެންވެސް ތި ޕްރޮގްރަމަށް ކެތްތެރިކަމެއްނެތި އިންތިޒާރުކުރަމެވެ.