ދިވެހިރައްޔިތުންގެ ޕާޓީގެ ޖަލްސާއެއް މިރޭ ހެދޮގޮނޑު ދޮށުގައި ބާއްވަފިއެވެ. މިޖަލްސާ މިރޭ ބޭއްވޭ ދެރެއްގެ މަތިން ޖަލްސާ ބާންވަން އުޅެ މޫސުމް ތަންނުދިނުމުގެ ސަބަބުން ކެންސަލް ވުމަށް ފަހުއެވެ. މިޖަލްސާގައި ވާހަކަ ދެއްކެވި ބޭފުޅުންގެ ތެރޭގައި، ތުލުސްދޫ ދާއިރާގެ މެންބަރ ރޮޒެއިނާ އާދަމް އާއި ޑީއާރުޕީގެ ނައިބު ޒައީމު ތަސްމީނު އަލީ، އަދި ޑީއާރުޕީގެ ޒައީމް މަޢުމޫން ޢަބްދުލް ޤައްޔޫމް ހިމެނިވަޑައިގަންނަވައެވެ.

މައުމޫންގެ ވާހަކަ ފުޅުގައި ކުރީގައި ރައީސްކަން ކުރައްވާފައިވާ ބޭފުޅުންނަށް ވެސް ޤާނޫނު އަސާސީގެ 27 ވަނަ މާއްދާގެ ދަށުން ހިޔާލުފާޅު ކުރުމުގެ މިނިވަން ކަން ލިބިފައިވާ ވާހަކަ ފުޅަށް އަލިއަޅުވާލެއްވިއެވެ. އަދި އެމަނިކުފާނު ވިދާޅުވީ 27 ވަނަ މާއްދާގެ ދަށުން އެމީހެއްގެ ފިކުރުފާޅު ކުރުމުގެ މިނިވަންކަން އެމަނިކުފާނަށް ވެސް ލިބިގެންވާކަމަށެވެ. އަދި މީގެ އިތުރުން، އެމަނިކުފާނާއި ޑީއާރުޕީގެ މެންބަރުންވަނީ ވަރަށް ހަރުކަށި އިބާރާތުން ރައީސުލް ޖުމްހޫރިއްޔާ މުހައްމަދު ނަޝީދު ކުށްވެރިކުރައްވާ ފައެވެ. އަދި އެބޭފުޅުން ވިދާޅުވި ގޮތުގައި، މިހާތަނަށް ޑީއާރުޕީގެ މެންބަރުން، އަބަދު ވެސް މަސައްކަތް ކުރައްވާފައިވާނީ ރައްޔިތުންގެ ފައިދާއަށް ކަމަށް ވިދާޅުވިއެވެ.